Вазорати нақлиёт дар доираи иҷрои «Барномаи давлатии кабудизоркунии Ҷумҳурии Тоҷикистон барои давраи то соли 2040» 5 миллион бех ниҳол мешинонад
ДУШАНБЕ, 15.07.2024 /АМИТ «Ховар»/. Идораҳои хоҷагии роҳҳои мошингарди шаҳру ноҳияҳои мамлакат вазифадор гаштанд, ки дар давоми ду ҳафта нақшаи шинонидани ниҳолҳоро дар қад-қади роҳҳои мошингард таҳия ва тасдиқ карда, ба Вазорати нақлиёт пешниҳод намоянд. Дар ин хусус зимни ҷаласаи васеи ҳайати мушовараи Вазорати нақлиёти Ҷумҳурии Тоҷикистон оид ба натиҷаҳои фаъолият дар шаш моҳи соли равон, ки 12 июл доир гардид, гуфта шуд.
Тавре ба АМИТ «Ховар» дар Вазорати нақлиёти мамлакат иттилоъ доданд, тибқи Қарори Ҳукумати Ҷумҳурии Тоҷикистон аз 29 июни соли 2024 «Дар бораи Барномаи давлатии кабудизоркунии Ҷумҳурии Тоҷикистон барои давраи то соли 2040» Вазорати нақлиёт муваззаф шудааст, ки дар ин муддат дар шафати роҳҳо ва инфрасохтори онҳо 5 миллион бех ниҳол шинонида, сабз гардонад.
Дар ҷаласа ҳамчунин иброз гардид, ки дар ҳолати хуб нигоҳ доштани роҳҳо ва зиёд намудани муҳлати истифодабарии онҳо, аз нигоҳубини дуруст тибқи технология вобаста буда, масъулияти идораҳои хоҷагии роҳҳо дар минтақаҳо ва муассисаҳои нигоҳдории роҳҳои мошингарди Вазорати нақлиёт маҳсуб мешавад.
«Мутаассифона, муассисаҳои нигоҳдории роҳҳои баъзе шаҳру ноҳияҳо то ҳол қубурҳои обгузарро пурра тоза накардаанд, ки ба вайроншавии пеш аз муҳлати роҳҳои мошингард оварда мерасонад»,-изҳори нигаронӣ шуд дар ҷаласа.
Бо мақсади ба роҳ мондани истифодабарии дурусти роҳҳои мошингард, кабудизоркунӣ, тоза намудани ҷӯю заҳбур, қубурҳои обгузар ва гирду атрофи муассисаҳо аз ҷониби вазорат нақшаи тадбирҳо таҳия ва тасдиқ гардида, барои иҷро ба муассисаҳои роҳдорӣ ирсол гардидааст.
АКС: Вазорати нақлиёти Ҷумҳурии Тоҷикистон
Гурӯҳи корӣ бо истифодаи самараноки заминҳои наздиҳавлигӣ дар Деҳободи ноҳияи Шаҳринав шинос шуд
Ҳизби Халқии Демократии Тоҷикистон дар 7 ҳазору 336 сохтори давлатӣ ва коргоҳу корхонаҳо ташкилоти ибтидоӣ дорад
Аз ҷониби Бонки миллии Тоҷикистон лоиҳаи «Низоми ягонаи суғуртаи электронӣ» таҳия карда мешавад
Имрӯз дар Тоҷикистон баландшавии ҳарорати ҳаво дар назар аст
Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
Ҳаҷми умумии истеҳсоли маҳсулот дар ноҳияи Кӯшониён ба зиёда аз 1 миллиард сомонӣ расид
Дар Панҷакент ниммарафони экологии кӯҳии «Seven Lakes» доир мегардад
Имрӯз дар Тоҷикистон хавфи сар задани селҳои маҳаллӣ дар назар аст
