Ҳаҷми умумии даромади Буҷети давлатӣ дар сатҳи 107,9 фоиз иҷро гардид
ДУШАНБЕ, 09.08.2024 /АМИТ «Ховар»/. Вазорати молияи Тоҷикистон иттилоъ дод, ки ҳаҷми умумии даромади Буҷети давлатӣ дар шашмоҳаи якуми имсол аз ҳисоби ҳамаи сарчашмаҳои даромад дар сатҳи 107,9 фоиз иҷро гардид.
Муовини аввали Вазири молияи Ҷумҳурии Тоҷикистон Юсуф Маҷидӣ 9 август зимни нишасти матбуотӣ ба доираи васеи намояндагони воситаҳои ахбори оммаи ватанӣ ва хориҷӣ изҳор дошт, ки дар давраи ҳисоботӣ бо назардошти тамоюли мусбати рушди соҳаҳои иқтисоди миллӣ ба буҷети давлатӣ 21,2 миллиард сомонӣ маблағ ворид гардид.
Дар ин давра иҷрои нақшаи даромади дохилӣ аз ҷониби Кумитаи андоз дар сатҳи 105,9 фоиз таъмин гардида, ба буҷет 9,8 миллиард сомонӣ ворид карда шуд. Ҳаҷми воридоти маблағҳо нисбат ба нақша 546,4 миллион сомонӣ зиёд мебошад.
Ҳамзамон имсол воридоти маблағҳо аз ҳисоби фаъолияти Хадамоти гумрук дар сатҳи 106,5 фоизи нақша таъмин карда шуда, ба буҷет 4,6 миллиард сомонӣ ворид гардид.
Таъкид шуд, ки барзиёдии воридоти маблағҳо нисбат ба нақша 280,2 миллион сомониро ташкил медиҳад.
Марзия САИДЗОДА,
АМИТ «Ховар»
АКС: АМИТ «Ховар»
Дар ноҳияи Бобоҷон Ғафуров ҷамъоварии ҳосили пахта оғоз шуд
Корҳо ҷиҳати бунёду барқарорсозии роҳи мошингарди Лабиҷар – Сангвор – Қалъаихумб тақвият бахшида мешаванд
Дар Женева Шарҳи чоруми фаъолияти экологии Тоҷикистон баррасӣ шуд
Намояндаи Бонки миллии Тоҷикистон дар ҷаласаи глобалии Шабакаи бонкдорӣ ва маблағгузории устувор дар Бразилия иштирок намуд
Ширкатҳои истеҳсолии Тоҷикистон дар Туркия нахустин маротиба маҳсулоташонро ба намоиш гузоштанд
Тоҷикистон ва Қазоқистон ҳамкориро дар соҳаи молия густариш медиҳанд
Тоҷикистон ва Покистон барои таъсиси корхонаи истеҳсоли маҳсулоти нассоҷӣ изҳори омодагӣ намуданд
Ифтитоҳи хатсайрҳои нави ҳавоӣ дар ҳарими ҳавоии Тоҷикистон ва Узбекистон дар шаҳри Тошканд баррасӣ шуд
Ҳайати Тоҷикистон дар ҷаласаи 23-юми вазирони давлатҳои аъзои Созмони ҳамкории Шанхай иштирок намуд
Ҳаҷми гардиши савдо дар ноҳияи Рашт ба 73 миллиону 248 ҳазор сомонӣ баробар шуд
ИМРӮЗ-РӮЗИ МЕЛИОРАТОРОН. Дар Тоҷикистон беш аз 37 ҳазор гектар замини кишоварзӣ дар ҳолати ғайриқаноатбахш қарор дорад
Намояндагони Тоҷикистон дар Конгресси ҷаҳонии обҳои зеризаминӣ дар Давос иштирок доранд
