Дар Душанбе барои сазовор таҷлил намудани 33-солагии Истиқлоли давлатӣ омодагӣ мебинанд
ДУШАНБЕ, 12.08.2024. /АМИТ «Ховар»/. Имрӯз дар Мақомоти иҷроияи ҳокимияти давлатии шаҳри Душанбе барои дар сатҳи баланди ташкилӣ таҷлил намудани ҷашни 33-солагии Истиқлоли давлатии Ҷумҳурии Тоҷикистон ҷаласаи корӣ баргузор гардид. Дар ин хусус ба АМИТ «Ховар» дар шуъбаи иттилоотии дастгоҳи Раиси шаҳри Душанбе хабар доданд.
Зимни ҷаласа иброз гардид, ки Истиқлоли давлатӣ барои миллати тоҷик бузургтарин ва муқаддастарин ҷашн маҳсуб мешавад, аз ин рӯ, дар пойтахти мамлакат ба муносибати таҷлили бошукуҳи ҷашни Истиқлоли давлатӣ чандин барномаҳои фарҳангиву маърифатӣ доир мешаванд.
Дар робита ба ин ба тамоми сохторҳои Мақомоти иҷроияи ҳокимияти давлатии шаҳри Душанбе ва масъулини соҳа барои омодагии ҷиддӣ ва таҷлили бошукуҳи ин чорабинии муҳимми сиёсӣ дастуру супоришҳои мушаххас дода шуданд.
Ҳамзамон зимни ҷаласа масъалаи пешвози мутантан ва сазовори ҷоизадорони Бозиҳои олимпии Париж-2024 мавриди баррасӣ қарор дода шуд. Иброз гардид, ки се нафар варзишгарони хушноми тоҷик- Сомон Маҳмадбеков (-81 кг) ва Темур Раҳимов (+100) аз ҷудо ва Давлат Болтаев (-92) аз риштаи бокс медалҳои биринҷии Бозиҳои олимпии Париж-2024-ро ба даст оварданд.
14 август, соати 08:00 дар Фурудгоҳи байналмилалии Душанбе тамоми ҳаводорони варзиш метавонанд дар пешвози сазовори ҷоизадорони бозиҳои олимпӣ иштирок намоянд.
Илова бар ин 14 августи соли 2024, соати 19:30 дар Муассисаи давлатии «Амфитеатр»-и шаҳри Душанбе ба истиқболи ҷоизадорони Бозиҳои олимпӣ чорабинии тантанавӣ дар назар дошта шудааст.
АКС: Шуъбаи иттилоотии дастгоҳи Раиси шаҳри Душанбе
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Дар Душанбе оид ба таҳияи нақшаи чорабиниҳои 40-солагии истиқлолияти давлатӣ ҷаласаи гурӯҳи корӣ доир шуд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан бинои маҷмааи миллии соҳибкории «Роҳи Абрешим»-ро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон дар Иди картошка иштирок намуданд
Сарвари давлат Эмомалӣ Раҳмон дар ноҳияи Шаҳристон барои бунёди 2 корхона санги асос гузоштанд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон муассисаи таълимии хусусии литсейи «Идрок»-ро ифтитоҳ намуданд
