Дар Маркази мероси хаттӣ бахшида ба Истиқлоли давлатӣ ҳамоиши илмӣ баргузор шуд
ДУШАНБЕ, 31.08.2024 /АМИТ «Ховар»/. 29 август дар Маркази мероси хаттии назди Раёсати Академияи миллии илмҳои Тоҷикистон ба ифтихори 33-солагии Истиқлоли давлатӣ таҳти унвони «Масъалаҳои асосии ҷамъоварӣ ва таҳияи осори хаттӣ дар замони истиқлол» машварати илмӣ баргузор гардид. Дар ин хусус АМИТ «Ховар» бо истинод ба Академияи миллии илмҳои Тоҷикистон хабар медиҳад.
Директори Маркази мероси хаттӣ доир ба дастовардҳои марказ, масъалаҳои асосии ҷамъоварӣ, нигоҳдорӣ, тармим, тавсиф ва таҳияи феҳристи мероси хаттӣ сухан намуд. Иброз гардид, ки намунаи корҳои бузурге, ки аз ҷониби мутахассисони марказ чӣ дар даврони истиқлол ва чӣ то замони истиқлол дар заминаи таҳияи мероси хаттӣ анҷом дода шудаанд, аз ҷумла матни «Шоҳнома»-и Абулқосим Фирдавсӣ, «Маснавии маънавӣ»-и Ҷалолиддини Балхӣ, «Қонуни тиб»-и Абуалӣ Сино, «Захираи Хоразмшоҳӣ»-и Исмоили Ҷурҷонӣ ва ғайра мебошанд.
Дар ҳамоиш таҳти унвони «Дастовардҳои Маркази нигаҳдории осори хаттӣ дар замони истиқлол», «Тавсифи осори хаттӣ дар замони истиқлол» ва «Аҳамияти ҷамъоварӣ ва ҳифзи осори хаттӣ дар даврони истиқлол» маърузаҳои илмӣ мавриди баррасӣ қарор гирифтанд.
Дар даврони соҳибистиқлолӣ ба Ганҷинаи марказ 1100 нусхаи дастнавис ва 1300 нусхаи чопи сангӣ ворид карда шуда, ҷилдҳои 7-10-и Феҳристи дастнависҳои шарқии Академияи миллии илмҳои Тоҷикистон ба нашр расиданд.
АКС: Академияи миллии илмҳои Тоҷикистон
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
