Дар натиҷаи тирпаронӣ дар Донишгоҳи амрикоии иёлати Вирҷиния чор нафар маҷруҳ шуд

ДУШАНБЕ, 15.08.2024 /АМИТ «Ховар»/. Дар натиҷаи тирпаронӣ, ки рӯзи чоршанбе дар Донишгоҳи амрикоии иёлати Вирҷиния рух дод, чор нафар маҷруҳ шуд. Дар ин хусус АМИТ «Ховар» бо истинод ба «Синхуа» хабар медиҳад.

Тавре шуъбаи полиси ҳавзаи Честерфилд, воқеъ дар ҷануби иёлот хабар додааст, тақрибан соати 00:36 ба вақти маҳаллӣ полис дар бораи тирпаронӣ маълумот гирифта, ба кӯчаи Буассо-стрит расида, дар он ҷо чор захмӣ — ду мард ва ду занро пайдо карданд.

Ҳамаи захмиён ба беморхонаи маҳаллӣ интиқол дода шуданд, ба ҳаёти онҳо хатар таҳдид намекунад.

Донишгоҳ иттилоъ додааст, ки ду гумонбар дар ҷои ҳодиса боздошт шуд ва тафтиш идома дорад.

Мардони 21-солаи боздоштшуда ба ошкоро бо худ нигоҳ доштани силоҳи оташфишон ва як нафараш ҳамчунин барои бе иҷозат бо худ доштани силоҳ гунаҳгор дониста мешаванд, иттилоъ додааст агентии Associated Press.

АКС аз манбаъҳои боз