Дар Суғд 60 иншооти соҳаи маориф бо 11 ҳазору 35 ҷойи нишаст ба истифода дода шуд
ДУШАНБЕ, 21.08.2024. /АМИТ «Ховар»/. Соли 2023 ва дар ҳафт моҳи соли 2024 дар вилояти Суғд 60 иншооти соҳаи маориф бо 11 ҳазору 35 ҷойи нишаст ба истифода дода шуд. Дар ин хусус ба АМИТ «Ховар» дар хадамоти матбуоти Раиси вилояти Суғд хабар доданд.
Дар вилоят 952 муассисаи таҳсилоти умумӣ фаъолият дорад, ки нисбат ба соли таҳсили 2022-2023 6 муассисаи таълимӣ зиёд мебошад.
Инчунин дар соли таҳсили 2023-2024 дар вилоят 10 муассисаи таҳсилоти олӣ ва 22 муассисаи таҳсилоти миёнаи касбӣ бо фарогирии зиёда аз 65 ҳазору 77 нафар донишҷӯ фаъолият дорад, ки дар онҳо 3 ҳазору 731 нафар устод аз рӯи 544 ихтисос мутахассис тайёр мекунанд.
Ёдовар мешавем, ки рушду нумӯи соҳаи маориф асоси пешрафти ҷомеа ва иқтисодиёти он ба шумор рафта, Ҳукумати Ҷумҳурии Тоҷикистон барои рушди соҳа маблағгузориро ҳамасола ба таври назаррас афзоиш медиҳад. Аз 1 июли соли 2024 ба андозаи 40 дарсад зиёд гардидани маоши вазифавии кормандони муассисаҳои соҳаи маориф ва илм, ки аз ҳисоби буҷети давлатӣ маблағгузорӣ мешаванд, тасдиқи ин гуфтаҳо аст.
Омӯзгорони мамлакат дар даврони Истиқлолияти давлатӣ рисолати таърихиро сарбаландона идома дода, дар бунёди давлати демократӣ, ҳуқуқбунёд, дунявӣ ва пойдории сулҳу ваҳдат ва худшиносии миллӣ, таълими илму фан ва тарбияи созандагони ҷомеаи навин нақши босазо мегузоранд.
АКС: Хадамоти матбуоти Раиси вилояти Суғд
Даври ҷумҳуриявии озмуни «Мураббии сол — Тоҷикистон-2026» оғоз гардид
Эмомалӣ Раҳмон: «Муассисаи таълимии №6-и шаҳри Хоруғ ба номи шодравон Алишери Мирзонабот гузошта шавад»
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бинои нави муассисаи таҳсилоти миёнаи умумии №6-ро мавриди истифода қарор доданд
Солҳои охир теъдоди муассисаҳои таълимӣ дар Бадахшон ба таври бесобиқа афзоиш ёфтааст
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
