Соҳибкорони соҳаи кишоварзии Тоҷикистон бо технологияи коркарди меваи хушк дар Узбекистон шинос гардиданд
ДУШАНБЕ, 15.08.2024 /АМИТ «Ховар»/. Сафари омӯзишии ҳайати Тоҷикистон, ки аз намояндагони 13 корхонаи истеҳсол ва коркарди хушкмева ва ду ассотсиатсияи соҳавӣ иборат буд, дар Ҷумҳурии Узбекистон ба анҷом расид. Зимни ин сафар соҳибкорон ва иттиҳодияҳои соҳавӣ бо таҷрибаи пешрафтаи ширкатҳои давлати ҳамсоя дар самти истеҳсол ва коркарди хушкмева шинос шуда, барои барқарор намудани робита ва густариши ҳамкорӣ имкон пайдо намуданд. Дар ин хусус АМИТ «Ховар» бо истинод ба Маркази тиҷорати байналмилалӣ иттилоъ медиҳад.
Сафар аз 10 то 14 август идома ёфта, дар ҷараёни он соҳибкорони соҳаи кишоварзии Тоҷикистон бо коркарди меваи хушк дар шаҳрҳои Фарғона ва Самарқанд шинос шуданд.
Ҳайати Тоҷикистон дар ширкатҳои маҳаллии коркарди хушкмева дар ҳарду шаҳр бо равандҳо ва фанновариҳои истеҳсолӣ шинос шуд. Ҳамчунин сафар ба аъзои ҳайат имкон фароҳам овард, то бо шарикон тамосҳои тиҷоратӣ барқарор намуда, имконияти дастрасӣ ба ашёи хом ва бозори фурӯшро баррасӣ намоянд. Онҳо ҳамчунин оид ба вазъи пешбурди соҳибкорӣ дар ҷумҳурии ҳамсоя, ба монанди низоми андоз ва андозбандӣ, равандҳои воридоту содироти маҳсулот, дастрасӣ ба маблағ ва қарзҳои бонкӣ, пуштибонии давлат аз соҳа маълумот пайдо карданд. Дар баробари табодули таҷрибаи тиҷоратӣ ин ибтикор ҳамчунин ҳадаф дошт, то байни ассотсиатсияҳои соҳавӣ барои ҳамкории оянда тамос барқарор гардад.
Муовини раиси Палатаи савдо ва саноати вилояти Суғд Ғайрат Қобилзода гуфт, ки “сафари омӯзишӣ ба Узбекистон барои соҳибкорони соҳаи истеҳсол ва коркарди хушкмеваи мо босамар буд. Аъзои ҳайат бо таҷрибаи ғании соҳаи коркарди маҳсулоти кишоварзии кишвари ҳамсоя ва таҷҳизоту фанновариҳои муосир шинос шуданд. Шиносоӣ бо истеҳсолкунандагони маҳаллӣ ба соҳибкорони мо доир ба меъёрҳои сифат ва самаранокии занҷираи арзиши иловагӣ маълумоти иловагии муфид дод. Барои тақвияти ҳамкории эҳтимолӣ ва ошноӣ бо ширкатҳои маҳаллӣ низ ин сафар имконияти боарзиш фароҳам овард”.
АКС: Маркази тиҷорати байналмилалӣ
Дар Душанбе оид ба сохтмони корхонаи «энергия аз партовҳо» вохӯрӣ доир шуд
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Гурӯҳи кории Хадамоти зиддиинҳисорӣ барои танзими нархи семент дар бозорҳои ҷумҳурӣ санҷиш гузаронид
Ғолибони Озмуни ҷумҳуриявӣ таҳти унвони «Ҷавонон– муқобили коррупсия» қадрдонӣ карда шуданд
Дар Остона ҷаласаи 12-уми Шурои сиёсати саноатии кишварҳои аъзои ИДМ баргузор гардид
РӮЗИ БАЙНАЛМИЛАЛИИ КАРТОШКА. Ин зироат аз ҳисоби ҳаҷми умумии истеҳсол дар ҷаҳон ҷои сеюмро ишғол менамояд
Тоҷикистон лоиҳаи бунёди корхонаи коркарди партовҳои сахти маишӣ ва истеҳсоли неруи барқро аз ҳисоби партовҳо амалӣ менамояд
Ҳукумати Тоҷикистон ҳамкориро бо созмонҳои молиявии байналмилалӣ бо мақсади ҷалби сармоя тақвият медиҳад
Гардиши савдо байни Тоҷикистон ва Эрон қариб 9 миллион доллар афзоиш ёфтааст
Ҳайати Тоҷикистон дар ҷаласаи вазирони молия ва раисони бонкҳои марказии давлатҳои аъзои СҲШ иштирок намуд
Байни шаҳри Хуҷанд ва Бонки аврупоии таҷдид ва рушд Ёддошти тафоҳум ба имзо расид
