Тоҷикистон ва Қазоқистон Аҳднома дар бораи муносибатҳои ҳампаймониро ба имзо расониданд

Август 23, 2024 10:50

ДУШАНБЕ, 23.08.2024 /АМИТ «Ховар»/. 22 август Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Қазоқистон муҳтарам Қосим-Жомарт Токаев «Аҳднома дар бораи муносибатҳои ҳампаймонӣ миёни Ҷумҳурии Тоҷикистон ва Ҷумҳурии Қазоқистон»-ро ба имзо расониданд.

Сарвари давлати мо аҳамияти таърихии имзои «Аҳднома дар бораи муносибатҳои ҳампаймонӣ миёни Ҷумҳурии Тоҷикистон ва Ҷумҳурии Қазоқистон»-ро махсус таъкид намуда, аз ҷумла изҳор доштанд, ки «ин санади муҳим, бешубҳа, дар таърихи ҳамкории ду давлат саҳифаи нав мекушояд ва боварӣ дорам, ки заминаи мустаҳками шарикии стратегӣ ва ҳампаймонии мо хоҳад шуд».

Бояд ёдовар шуд, ки ба ин монанд санад моҳи январи соли 1993 таҳти унвони «Аҳднома дар бораи асосҳои муносибатҳо байни Ҷумҳурии Тоҷикистон ва Ҷумҳурии Қазоқистон» зимни сафари Президенти Ҷумҳурии Тоҷикистон муҳтарам Эмомалӣ Раҳмон ба Қазоқистон ба имзо расида буд. 14 сентябри соли 2015 Созишнома дар бораи шарикии стратегӣ байни Ҷумҳурии Тоҷикистон ва Ҷумҳурии Қазоқистон ба имзо расид, ки дар он принсипҳои асосии муносибатҳои дуҷониба – эҳтироми мутақобили истиқлол ва соҳибихтиёрии давлатӣ, баробарҳуқуқӣ ва кӯшиши ҷонибҳо барои амаласозии робитаҳои мутақобилан судманди шарикии иқтисодӣ муайян шуданд.

Қазоқистон яке аз шарикони ҳамаҷонибаи стратегии Тоҷикистон ба ҳисоб рафта, муносибатҳо дар заминаи ҳамсоягии нек, ҳамҷаворӣ, дӯстӣ ва ҳамкории иттифоқӣ густариш меёбанд. Ҷумҳурии Тоҷикистон бо Ҷумҳурии Қазоқистон дар ҳама сатҳҳо ҳамеша муколамаи муфид ва эътимодбахши сиёсию иқтисодии байнидавлатиро нигоҳ дошта, дар чаҳорчӯби муҳимтарин сохторҳои байналмилалӣ ҳамкории пурсамар доранд ва дар таҳкими ҳамкории ҳамаҷониба дар Осиёи Марказӣ саҳми муштарак мегузоранд.

22 август зимни мулоқоту музокироти сатҳи олии Тоҷикистон ва Қазоқистон таъкид карда шуд, ки Қазоқистон дар байни шарикони тиҷоратии Тоҷикистон мақоми пешсаф дошта, нишондиҳандаҳои гардиши мол байни ду мамлакат дар ҳоли афзоиши устувор қарор дорад. Чунончӣ, ҳаҷми гардиши мол байни ду давлат дар шашмоҳаи якуми имсол нисбат ба ҳамин давраи соли 2023  20 фоиз афзудааст. Ҷонибҳо ба мувофиқа расиданд, ки ҳаҷми гардиши молро то ба 2 миллиард доллари амрикоӣ расонанд.

Август 23, 2024 10:50

Хабарҳои дигари ин бахш

Ҳайати Тоҷикистон дар Конфронси генералии ЮНЕСКО иштирок менамояд
Дар Минск мулоқоти муовинони вазирони корҳои хориҷии Тоҷикистон ва Ҳиндустон баргузор шуд
Бо ташаббуси Тоҷикистон ҳамоҳангии талошҳои ИДМ, СААД ва СҲШ дар мубориза бо тундгароӣ баррасӣ шуд
Дар Минск ҷаласаи навбатии Шурои намояндагони ваколатдори доимии ИДМ баргузор гардид
Намояндаи Тоҷикистон дар Конференсияи III байналмилалии Минск оид ба амнияти АвруОсиё иштирок намуд
Дар Риёз ҳамкории Тоҷикистон ва Арабистони Саудӣ дар бахши гуманитарӣ ва иҷтимоӣ баррасӣ шуд
Ҷалби сармояи Амороти Муттаҳидаи Араб ба бахшҳои гуногун дар Тоҷикистон баррасӣ шуд
Дар Женева тақвияти ҳамкории Тоҷикистон бо Созмони умумиҷаҳонии сайёҳӣ баррасӣ гардид
Ҳамкории Тоҷикистон ва Қатар дар соҳаҳои илму маориф баррасӣ шуд
Шараф Шерализода зарурати таҳкими ҳамкориро дар доираи Созмони умумиҷаҳонии савдо таъкид намуд
Намояндаи Тоҷикистон дар ҷаласаи 16-уми Конфронси СММ оид ба савдо ва рушд иштирок намуд
Ҳамкории Тоҷикистон бо Созмони Милали Муттаҳид баррасӣ гардид