33-СОЛАГИИ ИСТИҚЛОЛИ ДАВЛАТӢ. Дар Вазорати корҳои дохилӣ ҳамоиши идона баргузор шуд
ДУШАНБЕ, 04.09.2024. /АМИТ «Ховар»/. 4 сентябр бахшида ба 33-солагии Истиқлоли давлатии Ҷумҳурии Тоҷикистон дар Вазорати корҳои дохилии Ҷумҳурии Тоҷикистон ҳамоиши идона баргузор шуд. Дар ин хусус ба АМИТ «Ховар» дар ин вазорат хабар доданд.
Вазири корҳои дохилӣ Рамазон Раҳимзода иброз дошт, ки соҳибистиқлолӣ дар тақдири ҳар мамлакат рӯйдоди бузурги таърихӣ буда, ифодагари орзуву ормонҳои миллӣ мебошад.
Истиқлолият имкон дод, ки халқи тоҷик ба дастовардҳои назаррас, маданияту фарҳанги оламшумул ва эъҷози сулҳофарию тамаддунпарварӣ ноил гардад.
Таъкид гардид, ки бо талошу кӯшишҳои пайгирона, хизмату заҳмати устуворона ва сиёсати хирадмандонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон халқи тоҷик ба ҳадафу мақсади ниҳоии худ — бунёди ҷомеаи демократию ҳуқуқбунёд ва давлати аз нигоҳи сиёсӣ орому осуда расид.
Дар даврони соҳибистиқлолӣ хизматҳои содиқонаи афсарону кормандони масъул, фаъолияти пурмаҳсул ва хизмати намунавии онҳо аз ҷониби Президенти Тоҷикистон муҳтарам Эмомалӣ Раҳмон ҳамеша қадрдонӣ мешавад.
Дар ҳамоиш Котиби Шурои амнияти Ҷумҳурии Тоҷикистон Насрулло Маҳмудзода аз номи Президенти Ҷумҳурии Тоҷикистон муҳтарам Эмомалӣ Раҳмон ба як зумра кормандон мукофотҳои давлатӣ супорид.
Ёдовар мешавем, ки имрӯз бо фармони Президенти Ҷумҳурии Тоҷикистон мутобиқи моддаи 69 Конститутсияи Ҷумҳурии Тоҷикистон «Дар бораи додани рутбаҳои махсуси навбатӣ, олии ҳарбӣ, навбатии ҳарбӣ ва дараҷавӣ» ба як гурӯҳ хизматчиёни низомӣ ва кормандони масъули мақомоти ҳифзи ҳуқуқ рутбаҳои олии ҳарбӣ ва махсус дода шуданд.
Дар ин радиф 3 корманди Вазорати корҳои дохилӣ бо рутбаи махсуси навбатии «генерал-майори милитсия» сарфароз гардиданд.
Ҳамчунин як зумра кормандони милитсия ва собиқадорон бо рутбаҳои навбатӣ, медалу нишонҳои сарисинагӣ, Ифтихорнома ва сипосномаҳо сарфароз гардонида шуданд.
АКС: Вазорати корҳои дохилии Ҷумҳурии Тоҷикистон
Соҳибкороне, ки худсарона нархи маҳсулоти хӯрокаро боло мебардоранд, ҷарима карда мешаванд
МАВСИМИ ОББОЗӢ ФАРО РАСИД. Волидайн фарзандони худро ҳангоми оббозӣ беназорат нагузоранд!
Президенти Ҷумҳурии Тоҷикистон Эмомалӣ Раҳмон бо рафти сохтмони роҳи мошингард аз дарвозаи Ғарбӣ то маҳаллаи Чортути шаҳри Душанбе шинос шуданд
Сарвари давлат Эмомалӣ Раҳмон бо корҳои сохтмонӣ дар Варзишгоҳи миллии Тоҷикистон дар шаҳри Душанбе шинос шуданд
Пешвои миллат Эмомалӣ Раҳмон дар ноҳияи Синои шаҳри Душанбе бо корҳои сохтмонӣ дар Чойхонаи миллӣ шинос шуданд
Котиби Шурои амнияти Тоҷикистон Юсуф Раҳмон бо Котиби давлатии Шурои амнияти Ҷумҳурии Беларус Александр Волфович мулоқот намуд
Котиби Шурои амнияти Тоҷикистон бо Мушовири Шурои амнияти миллии Ҷумҳурии Ироқ мулоқот намуд
Дар вилояти Хатлон 128 ҳодисаи садамавии роҳу нақлиёт ба қайд гирифта шуд
Дар ҷаласаи Шурои вазирони мудофиаи давлатҳои аъзои СААД ҳамкорӣ дар соҳаи ҳарбӣ баррасӣ карда шуд
Котиби Шурои амнияти Тоҷикистон дар Вохӯрии 13-уми байналмилалии намояндагони баландмақоми бахши амният иштирок намуд
Аз 29 то 31 май дар Душанбе ҳаракати воситаҳои нақлиёт муваққатан маҳдуд карда мешавад
«ЗАМИН», «МАРЗ» ВА «ВАТАН» — УНСУРҲОИ МУҚАДДАС ВА ҲАЁТАН МУҲИМ. Ба Рӯзи Қӯшунҳои сарҳадӣ бахшида мешавад
