«ҚАДРШИНОСИИ ҲУНАРИ АСИЛ». Дар Душанбе Синамоҷоизаи дуюми миллии «Тоҷи Сомон» доир мегардад
ДУШАНБЕ, 09.09.2024 /АМИТ «Ховар»/. Бахшида ба Рӯзи кинои тоҷик (16 октябр) аз 15 то 18 октябри соли 2024 дар шаҳри Душанбе таҳти шиори «Қадршиносии ҳунари асил» Синамоҷоизаи дуюми миллии «Тоҷи Сомон» баргузор мегардад. Дар ин хусус ба АМИТ «Ховар» дар Муассисаи давлатии «Тоҷикфилм» хабар доданд.
Синамоҷоизаи миллӣ бо мақсади ба таври шоиста муаррифӣ намудани манфиатҳои миллӣ, тарбияи эҳсоси ватандӯстӣ, ифтихор аз миллати созанда, тавсифи табиати зебои диёр, ҷалби сайёҳон, дарёфти истеъдодҳои нодир дар соҳаи синамо дар доираи «Барномаи рушди кинои Ҷумҳурии Тоҷикистон барои солҳои 2023-2027» доир шуда, ба тарғиби дастовардҳои замони истиқлол, махсусан рушду шукуфоии босуръати шаҳри Душанбе мусоидат менамояд.
Дар Синамоҷоизаи дуюми миллии «Тоҷи Сомон» филмҳои ҳунарӣ, мустанад, бадеии кӯтоҳ ва тасвирии миллӣ намоиш дода мешаванд.
Ҳамчунин ба барномаҳои гуногуни он филмҳои пурра, кӯтоҳи бадеӣ, мустанад ва тасвирӣ, ки давоми солҳои 2023-2024 рӯйи навор омадаанд, метавонанд пешниҳод шаванд.
Филмҳо дар қолаби МР-4 (Н 264), DCP ё бо шакли электронӣ ба забони асл бо зерматнҳои англисӣ ва русӣ дар суроғаи Муассисаи давлатии «Тоҷикфилм», шаҳри Душанбе, кӯчаи Беҳзод 25, ё почтаи элетронии tajikfilm@gmail.com то 20 сентябри соли 2024 қабул карда мешаванд.
Барои муайян намудани беҳтарин филмҳо дар бахшҳои «Озмунҳои миллии филмҳо» ва тақдими ҷоизаҳо ба онҳо ҳайати ҳакамони байналмилалӣ ва миллӣ иборат аз муътабартарин филмсозон, мунаққидон ва пажуҳишгарони фарҳанги синамоӣ даъват мегардад.
Ёдовар мешавем, ки Синамоҷоизаи якуми миллии Душанбе — «Тоҷи Сомон» соли 2022 дар шаҳри Душанбе баргузор гардида буд.
АКС: Муассисаи давлатии «Тоҷикфилм»
Мутахассисони Тоҷикистону Чин дар кӯҳҳои Помир корҳои илмӣ гузарониданд
Дар Душанбе рӯнамоии таҳқиқоти академик Муҳаммад Осимӣ баргузор гардид
ҲЕҶ МИЛЛАТИ ДУНЁ БА МИСЛИ «ШОҲНОМА» АСАР НАДОРАД. Беш аз 9900 хонавода дар Нуробод соҳиби туҳфаи Пешвои миллат гардиданд
Шаҳри Панҷакент бо номинатсияи сӯзанӣ ба узвияти Шурои байналмилалии ҳунармандӣ пазируфта мешавад
ТУҲФАИ АРЗАНДАИ ПРЕЗИДЕНТИ ТОҶИКИСТОН. «Шоҳнома»-и безаволи Фирдавсӣ ба сокинони ноҳияи Лахш тақдим гардид
Дар пойгоҳи сейсмикии ноҳияи Лахш таҷҳизоти нав насб карда шуд
Даври сеюми Озмуни ҷумҳуриявии «Фурӯғи субҳи доноӣ китоб аст» имрӯз дар Рашт ҷамъбаст мегардад
«АНДАЛЕБ-2025». Ҳунармандони Ҳисор дар даври минтақавии фестивал-озмун соҳиби холи баланд гардиданд
«ҲОМИИ ИСТИҚЛОЛЕМ». Бо иштироки муҳофизони Ватан дар Осорхонаи миллӣ ҳамоиш доир шуд
Ба сокинони шаҳру ноҳияҳои Бадахшон китоби «Шоҳнома»-туҳфаи Президенти Тоҷикистон тақдим мегардад
«ШОҲНОМА ВАТАН АСТ». Корвони китоби «Шоҳнома» ба ноҳияи Тоҷикобод ворид гардид
«АНДАЛЕБ». Даври дуюми Фестивал-озмуни ҷумҳуриявии телевизионии эҷодиёти халқ идома дорад
