Дар Панҷакент Боғи Абулқосим Фирдавсӣ сохта мешавад
ДУШАНБЕ, 16.09.2024. /АМИТ «Ховар»/. Дар даромадгоҳи шарқии шаҳри Панҷакент Боғи фарҳангию фароғатӣ бо муҷассамаи Абулқосим Фирдавсӣ сохта мешавад. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Панҷакент хабар доданд.
Боғи фарҳангию фароғатии Абулқосим Фирдавсӣ дар масоҳати 7600 метри мураббаъ бунёд шуда, тарҳи он ба сози мусиқии тор шабоҳат дорад. Дар он бунёди фаввораҳо, нишастгоҳҳо, чароғпояҳо ва роҳравҳо дар назар дошта шуда, бо гулу дарахтони ороишии ҳамешасабз оро дода мешавад.
Дарвозаи боғ бо баландиву ҳашамати хосса- услуби меъмории миллӣ ва сутунпояҳои бузурги мармарин, нақшу ороишҳои миллӣ, муҷассамаҳо -рамзи ҳифзу суботи мамлакат бо шакли қаҳрамонҳои достони безаволи «Шоҳнома» сохта мешавад.
Дар пешгоҳи майдони асосии боғ муҷассамаи Абулқосим Фирдавсӣ бо зерпояаш дар баландии 11,7 метр қомат афрохта, дар пасманзар ва паҳлуҳои он деворнигораҳо бо муҳтавои достонҳои безаволи «Шоҳнома», аз ҷумла разми Рустам бо Суҳроб, дар қисмати дигари боғ гузоштани муҷассамаи ду аспи саманд- монанди Рахши Рустам пешбинӣ шудааст.
Ёдовар мешавем, ки Боғи фарҳангию фароғатии Абулқосим Фирдавсии Тӯсӣ бо ҷонибдорӣ аз иқдоми Президенти Ҷумҳурии Тоҷикистон муҳтарам Эмомалӣ Раҳмон барои нашр ва ба ҳар хонадони тоҷик дастрас намудани «Шоҳнома»-и безавол, арҷгузорӣ ба бузургони миллат ва ба шарафи 35-солагии Истиқлоли давлатии Ҷумҳурии Тоҷикистон бунёд мешавад.
АКС: Мақомоти иҷроияи ҳокимияти давлатии шаҳри Панҷакент
Президенти Академияи миллии илмҳои Тоҷикистон дар Конференсияи байналмилалии «Илм барои бехатарии ҷаҳон» иштирок намуд
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Дар ноҳияҳои Рашту Тоҷикобод «Маркази ҷавонон» ва майдончаҳои варзишӣ бунёд карда мешаванд
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Президенти Ҷумҳурии Тоҷикистон Эмомалӣ Раҳмон бо рафти сохтмони роҳи мошингард аз дарвозаи Ғарбӣ то маҳаллаи Чортути шаҳри Душанбе шинос шуданд
