Дар шаҳри Абузабӣ дурнамои рушди ҳамкорӣ байни Тоҷикистон ва Амороти Муттаҳидаи Араб баррасӣ гардид

ДУШАНБЕ, 18.09.2024 /АМИТ «Ховар»/. 17 сентябр дар шаҳри Абузабӣ мулоқоти Сафири Фавқулода ва Мухтори Ҷумҳурии Тоҷикистон дар Амороти Муттаҳидаи Араб Ашрафҷон Гулов бо Вазири давлатии Девони вазирони Амороти Муттаҳидаи Араб Аҳмад Алӣ Ал-Сайёғ баргузор гардид. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Дар мулоқот ҷонибҳо масоили марбут ба ҳолат ва дурнамои рушди ҳамкорӣ байни Ҷумҳурии Тоҷикистон ва Амороти Муттаҳидаи Арабро баррасӣ намуданд.

Ҳамчунин ҷонибҳо доир ба равишҳои таҳкими муносибатҳо баҳри ноилгардӣ ба ҳадаф ва манфиатҳои муштарак дар соҳаҳои сиёсат, иқтисод, тиҷорат, сармоягузорӣ, амният, заминаҳои меъёрӣ-ҳуқуқӣ, илму маориф, фарҳанг ва сайёҳӣ, инчунин обу иқлим табодули назар карданд.

АКС: Вазорати корҳои хориҷии Ҷумҳурии Тоҷикистон