Имсол кишоварзони шаҳри Панҷакент дар 2705 гектар шолӣ кишт намуданд
ДУШАНБЕ, 23.09.2024. /АМИТ «Ховар»/. Имсол кишоварзони шаҳри Панҷакент дар 2705 гектар шолӣ кишт намуданд, ки нисбат ба соли 2023 498 гектар зиёд аст. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Панҷакент хабар доданд.
Бо истифода аз боду ҳавои мусоид имрӯзҳо дар ҳамаи қитъаҳои шолизори соҳили Зарафшон ҷамъоварии ҳосил идома дорад.
Кишоварзон тасмим гирифтаанд, ки ҳосили хуб ба даст оварда, дар таъмини амнияти озуқавории мамлакат саҳм гузоранд.
Ёдовар мешавем, ки дар ҳамаи шаклҳои хоҷагидорӣ дар Тоҷикистон дар майдони 16 ҳазору 162 гектар кишти такрории шолӣ ба нақша гирифта шудааст. То 30 август дар 16 ҳазору 477 гектар кишт гузаронида шуд, ки нисбат ба дурнамо 315 гектар зиёд мебошад.
Бояд гуфт, ки дар ҷумҳурӣ баъд аз ҷамъоварии гандум, ҷав ва картошкаи пешпазак кишти шолӣ бештар гузаронида мешавад. Бо тавсияи олимони соҳаи кишоварзӣ, дар мамлакат кишти шолӣ бо тарзу усули нав, яъне бо ниҳолчаҳо парвариш карда мешавад, ки ин ба сарфа шудани обу вақт равона гардидааст.
Биринҷ яке аз донагиҳои бештар истеъмолшаванда дар ҷаҳон дониста шуда, баъд аз зироати ғалладонагӣ дар ҷаҳон аз ҷиҳати майдони кишт ва ҳосил ҷойи дуюмро ишғол менамояд. Дар Тоҷикистон 13 навъи биринҷ, аз ҷумла девзира, оқпар, ҷойдорӣ, миёнколӣ ва сурх парвариш карда мешавад. Истеъмоли солонаи биринҷ ба як нафар дар Тоҷикистон аз 12 то 15 килограмм рост меояд.
АКС: Мақомоти иҷроияи ҳокимияти давлатии шаҳри Панҷакент
«ҶАВОНОН-ПАЙРАВОНИ ПЕШВОИ МИЛЛАТ». Дар шаҳри Бӯстон ҳамоиши ҷавонону варзишгарон баргузор гардид
Ғолибони Мусобиқаи гӯштингирӣ барои дарёфти ҷоизаи Саидмуъмин Раҳимов муайян шуданд
Суғуртаи автомобилӣ ба тариқи онлайн: зуд ва ба даст овардани 10 фоиз маблағи сарфкарда
ФУТБОЛ. Имрӯз дастаи мунтахаби Тоҷикистон бо тими миллии Афғонистон бозии дӯстона мекунад
Имрӯз дар ноҳияҳои алоҳидаи Тоҷикистон туман мефарояд
Алишер Идизода муовини якуми раиси Ҳизби демократи Тоҷикистон интихоб гардид
Аз ҷониби Маркази омӯзиши пиряхҳо дар пиряхи Зарафшон экспедитсияи илмӣ-таҳқиқотӣ гузаронида шуд
Дар Тоҷикистон Ҳафтаи таҳсилоти байналмилалӣ оғоз шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар паёмҳои Президенти Тоҷикистон барои баланд бардоштани маҳорати касбӣ ва мақоми омӯзгор пайваста дастуру супоришҳо дода мешаванд
Имрӯз дар шаҳри Душанбе ҳаво то 14 дараҷа гарм мешавад
Бахшида ба Рӯзи Президент ва солгарди Иҷлосияи XVI Шурои Олӣ конференсияи ҷумҳуриявии илмию амалӣ баргузор гардид
