Маҳмадтоир Зокирзода: «Тақвияти ҳамгироии минтақавӣ дар Осиёи Марказӣ зарурати воқеӣ мебошад»
ДУШАНБЕ, 13.09.2024 /АМИТ «Ховар»/. 12 сентябр ҳайати парлумонии Ҷумҳурии Тоҷикистон таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода дар кори Форуми дуюми байнипарлумонии давлатҳои Осиёи Марказӣ, ки дар мавзуи «Нақши парлумон ва мақомоти намояндагии ҳокимияти Осиёи Марказӣ дар рушди иҷтимоию иқтисодии минтақа» дар шаҳри Хеваи Ҷумҳурии Узбекистон баргузор гардид, иштирок ва суханронӣ намуд. Дар ин хусус АМИТ «Ховар» бо истинод ба Маҷлиси намояндагони Маҷлиси Олии Ҷумҳурии Точикистон иттилоъ медиҳад.
Дар оғози форум паёми шодбошии Президенти Ҷумҳурии Узбекистон Шавкат Мирзиёев ба иштирокчиёни форум расонида шуд.
Раиси Маҷлиси намояндагон Маҳмадтоир Зокирзода аз таъкидҳои Президенти Ҷумҳурии Тоҷикистон муҳтарам Эмомалӣ Раҳмон дар ҷаласаи шашуми Вохӯрии машваратии сарони давлатҳои Осиёи Марказӣ, ки моҳи августи имсол дар пойтахти Қазоқистон баргузор гардид, иқтибос оварда, изҳор намуд, ки «тақвияти ҳамгироии минтақавӣ дар хонаи умумии мо – Осиёи Марказӣ кори ихтиёрӣ нест, балки зарурати воқеӣ мебошад».
«Дар шароити кунунии тағйироти босуръати ҷаҳон зарурати ташаккули дидгоҳи умумӣ ба ояндаи Осиёи Марказӣ ба миён омадааст. Вазифаи мо аз он иборат аст, ки бо саъю кӯшиши муштарак минтақаи пешрафта ва шукуфон бунёд намоем, ки дар ин минтақа тибқи пешбиниҳои Созмони Милали Муттаҳид, то соли 2050 беш аз сад миллион нафар зиндагӣ хоҳанд намуд», — иброз дошт ӯ.
Маҳмадтоир Зокирзода изҳори итминон намуд, ки ин ҷаласа ба нақши парлумон ва мақомоти намояндагии Осиёи Марказӣ дар рушди иҷтимоию иқтисодии минтақа ва рушди минбаъдаи ин равандҳо мусоидат менамояд.
Раиси Маҷлиси намояндагон иттилоъ дод, ки 10-11 октябри соли 2024 дар шаҳри Душанбе чорабинии муҳими байналмилалӣ — Конфронси байналмилалии байнипарлумонӣ бахшида ба 30-солагии Конститутсияи Ҷумҳурии Точикистон доир мешавад ва аз ҳозирин даъват ба амал овард, ки дар кори ин ҳамоиш иштирок намоянд.
АКС: Маҷлиси намояндагони Маҷлиси Олии Ҷумҳурии Тоҷикистон
Имрӯз Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон пешниҳод мегардад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Рустами Эмомалӣ аз истифодаи зиёди вейпҳо ё сигорҳои электронӣ дар байни наврасон изҳори нигаронӣ намуданд
Ҷаласаи Шурои Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор гардид
Пагоҳ ҷаласаи якуми якҷояи Маҷлиси миллӣ ва Маҷлиси намояндагони Маҷлиси Олӣ, даъвати ҳафтум баргузор мегардад
16 декабр ҷаласаи якуми якҷояи Маҷлиси миллӣ ва Маҷлиси намояндагони Маҷлиси Олӣ, даъвати ҳафтум баргузор мегардад
15 декабр иҷлосияи чоруми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мешавад
16 декабр ҷаласаи якуми якҷояи Маҷлиси миллӣ ва Маҷлиси намояндагони Маҷлиси Олӣ, даъвати ҳафтум баргузор мегардад
Дар иҷлосияи дуюми Маҷлиси намояндагон ба ду қонун тағйиру илова ворид карда шуд
15 декабр иҷлосияи чоруми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мешавад
Созишнома байни Ҳукумати Ҷумҳурии Тоҷикистон ва Ҳукумати Федератсияи Русия дар бораи таъсиси парки саноатӣ дар Тоҷикистон ба тасвиб расид
Дар Маҷлиси намояндагон бахшида ба Рӯзи таъсиси Ҳизби Халқии Демократии Тоҷикистон ҳамоиш доир шуд
