Муҳриддин Низомӣ: «Беш аз ҳаштсад сол аст мардум шефтаи рафтору гуфтор ва осори безаволи Мавлоно мебошанд»
ДУШАНБЕ, 28.09.2024. /АМИТ «Ховар»/. 27 сентябр дар Донишкадаи давлатии фарҳанг ва санъати Тоҷикистон ба номи Мирзо Турсунзода бахшида ба Рӯзи Мавлоно Ҷалолиддини Балхӣ ҳамоиши илмӣ-фарҳангӣ баргузор гардид. Дар ин хусус ба АМИТ «Ховар» дар Донишкадаи давлатии фарҳанг ва санъат хабар доданд.
Ректори донишкада, доктори илмҳои филологӣ, профессор Муҳриддин Низомӣ иброз дошт, ки ҳамасола дар мамлакат 30 сентябр Рӯзи Мавлоно Ҷалолиддини Балхӣ таҷлил мегардад. Ин ташаббус аз соли 2009 дар асоси Фармони Президенти Ҷумҳурии Тоҷикистон муҳтарам Эмомалӣ Раҳмон ба ҷашни ҳаводорони шеъру сухани ноб табдил ёфтааст.
Ҳамоиш дар ду бахш- илмӣ ва фарҳангӣ баргузор шуд, ки муҳтавои он писанди ҳозирин гашта, онҳо бори дигар бо дунёи рангини Мавлоно шинос гардиданд.
Таъкид шуд, ки Мавлоно беш аз ҳаштсад сол аст мардумро шефтаи рафтору гуфтор ва осори безаволи хеш менамояд. Ҳар касе ба таври ҷиддӣ осори Мавлоноро мутолиа намояд, ҳамоно бештар шефтаи аҳволу афкори пурвусъати ӯ гардида, ошиқонаю содиқона пайи такрору талқини ашъори зебои ин нобиға мешавад.
Ректори донишкада дар бораи омӯзишу пажуҳиши осори Мавлоно Ҷалолиддини Балхӣ низ ибрози назар намуда, гуфт, ки “дар баробари муҳаққиқони ҳамзабон иддае аз донишмандони хориҷӣ умри хешро сарфи омӯзишу таҳқиқ ва нашри осори Мавлоно кардаанд, ки имрӯз ба шарофати ин иқдоми накӯ номи ӯ дар радифи бузургтарин олимони ҷаҳон муаррифӣ мешавад. Амсоли Роналд Николсони англис, ки матни комили интиқодии «Маснавӣ»-ро ба вуҷуд овард ва имрӯз муҳаққиқон ва мутолиакунандагони ин шоҳасар бар асоси нусхаи омодакардаи ӯ «Маснавӣ» мехонанд. Ё Ани Мори Шиммели олмонӣ, ки ба хотири Мавлоно исми Ҷамилабоҷиро барои худ интихоб карда буд ва бо шарофати хизмати бедареғаш дар мавлавишиносӣ дар Қуния хиёбонеро ба исми ӯ гузоштаанд”.
Дар бораи камолоти маънавии Мавлоно бо такя ба сарчашмаҳои муътамад сухан гуфта, нақши Ҳаким Саноӣ ва Шайх Аттори Нишопурӣ дар ҳаёти маънавии ин орифи бузург дар паҳнои ирфону адаб муҳим арзёбӣ гардид. Иброз шуд, ки дар камолоти маънавии Мавлоно ҳамзамон шахсиятҳои бузурги адабию ирфонии гузаштаю муосири ӯ нақши калон доранд, ки ҳам худи Мавлоно ва ҳам муаллифони сарчашмаҳои адабию ирфонӣ ин нуктаро таъкид кардаанд.
АКС: Донишкадаи давлатии фарҳанг ва санъати Тоҷикистон ба номи Мирзо Турсунзода
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
