«СИТОРАҲОИ ИТТИҲОД». Профессор аз Тоҷикистон соҳиби ин ҷоизаи байнидавлатӣ гардид
ДУШАНБЕ, 19.09.2024 /АМИТ «Ховар»/. 17 сентябр дар шаҳри Уфаи Ҷумҳурии Бошқирдистони Федератсияи Русия Анҷумани 17-уми зиёиёни илмӣ ва эҷодии кишварҳои аъзои Иттиҳоди Давлатҳои Мустақил ва Форуми XV зиёиёни эҷодкор ва илмии кишварҳои аъзои Иттиҳоди Давлатҳои Мустақил баргузор гардид, ки дар он профессори кафедраи физикаи назариявии факултети физикаи Донишгоҳи миллии Тоҷикистон Давлат Солиҳзода бо Ҷоизаи байнидавлатии «Ситораҳои Иттиҳод» қадрдонӣ гардид.
Тавре дар Вазорати фарҳанги Ҷумҳурии Тоҷикистон ба АМИТ «Ховар» хабар доданд, дар Анҷумани 17-уми зиёиёни илмӣ ва эҷодии кишварҳои аъзои Иттиҳоди Давлатҳои Мустақил беш аз 200 намояндаи мамлакатҳои Иттиҳоди Давлатҳои Мустақил иштирок намуданд. Вазири фарҳанги Ҷумҳурии Тоҷикистон Матлубахон Сатториён зимни он оид ба масъалаҳои мубрами соҳаи гуманитарӣ сухан гуфт.
Ҳамчунин дар ин рӯз Форуми XV зиёиёни эҷодкор ва илмии кишварҳои аъзои Иттиҳоди Давлатҳои Мустақил баргузор гардид.
Дар ҷараёни форум маросими супоридани Ҷоизаи байнидавлатии «Ситораҳои Иттиҳод» баргузор шуд. Профессори кафедраи физикаи назариявии факултети физикаи Донишгоҳи миллии Тоҷикистон Давлат Солиҳзода бо Ҷоизаи байнидавлатии «Ситораҳои Иттиҳод» дар номинатсияи «Барои саҳмгузорӣ дар рушди илм ва дастовардҳои барҷаста дар соҳаи илму маориф дар соли 2023» сарфароз гардонида шуд.
Ёдовар мешавем, ки Ҷоизаи байнидавлатии «Ситораҳои Иттиҳод» барои олимони соҳаҳои гуногун муайян шудааст. Ҷоиза аз ҷониби Шурои ҳамкории башардӯстонаи Иттиҳоди Давлатҳои Мустақил ва Хазинаи байнидавлатии ҳамкории башардӯстонаи кишварҳои аъзои Иттиҳоди Давлатҳои Мустақил соли 2009 таъсис ёфтааст. Он ҳамасола ба намояндагони кишварҳои аъзои Иттиҳоди Давлатҳои Мустақил барои муваффақияти назаррас дар соҳаҳои мухталиф, ки ба сатҳи дастовардҳои ҷаҳонӣ мувофиқ аст ва дар рушди ҳар давлати аъзои Иттиҳоди Давлатҳои Мустақим саҳм гузоштааст, дода мешавад.
Давоми солҳои мавҷудияти ин ҷоиза зиёда аз 100 нафар олимон ва санъаткорони мамлакатҳои иттиҳод сазовори он гардиданд.
АКС: Вазорати фарҳанги Ҷумҳурии Тоҷикистон
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
