Ҳайати бонуфузи гурӯҳи Шурои директорони Бонки Осиёии Рушдро шоҳкории устоҳои чирадасти тоҷик ба ҳайрат овард
ДУШАНБЕ, 04.10.2024 /АМИТ «Ховар»/. Ҳайати бонуфузи гурӯҳи Шурои директорони Бонки Осиёии Рушд дар доираи сафар ба Тоҷикистон дар Осорхонаи миллӣ бо таъриху фарҳанги пурғановати миллати тоҷик шинос гардид, хабар медиҳад АМИТ «Ховар» бо истинод ба Осорхонаи миллии Тоҷикистон.
Меҳмонон зимни сайри осорхонавӣ шуъбаҳои Осорхонаи миллӣ, аз қабили таърихи бостон ва асрҳои миёна, таърихи нав ва навтарин, ки ҳунармандӣ, либоси миллӣ, тарзи зисти одамон, заргарӣ, кулолгарӣ, кандакорӣ дар рӯи чӯб, хушнависӣ, мисгарӣ, дастовардҳои замони соҳибистиқлолии мамлакат, хосса тарзи зиндагонии тоҷиконро дар давраҳои гуногуни таърих таҷассум мекунанд, тамошо намуда, бо таъриху фарҳанги миллати тоҷик аз наздик шинос шуданд.
Инчунин дар Осорхонаи миллии Тоҷикистон ба ҳайати бонуфузи гурӯҳи Шурои директорони Бонки Осиёии Рушд намунаи ёдгориҳои таърихӣ, аксу мусаввараҳои нодир, намунаи осори хаттӣ, ҳунарҳои қадимӣ, дар маҷмуъ таъриху тамаддуни пурғановати мардуми тоҷик дар давраҳои гуногун муаррифӣ гардид.
Таваҷҷуҳи меҳмононро шоҳкории устоҳои чирадасти тоҷик, ҳаёту рӯзгор, расму оин ва дигар анъанаҳои қадимӣ, ки ба ин миллати соҳибтамаддун аз гузашта мерос мондаанд, бештар ҷалб намуд ва аз он ба ҳайрат омаданд.
Ҳайати бонуфузи гурӯҳи Шурои директорони Бонки Осиёии Рушд барои густариши муносибатҳои дуҷониба ва ҳамкорӣ дар доираи ташкилоти минтақавӣ, инчунин баррасии вазъи кунунӣ ва дурнамои ҳамкории Тоҷикистон ва Бонки Осиёии Рушд, пешрафти рушди иқтисод ва ислоҳот ба Ҷумҳурии Тоҷикистон омадааст.
АКС: Осорхонаи миллии Тоҷикистон
Дар доираи дуюмин Фестивали ҷаҳонии ҷавонон барномаи фарҳангии «Шоми дӯстӣ» баргузор гардид
Дар Тоҷикистон Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ идома дорад
Сокинони ноҳияи Мастчоҳ ҷашни Наврӯзро бо тантана истиқбол гирифтанд
23 МАРТ — РӮЗИ ҶАҲОНИИ ОБУҲАВОШИНОСӢ. Ҳавошиносони Тоҷикистон барои пешгӯии боду ҳаво аз моделҳои пешрафта истифода мебаранд
Эмомалӣ Раҳмон: «Сиву панҷ сол барои таърих лаҳзаест, вале барои миллати тоҷик давраи сарнавиштсоз ба ҳисоб меравад»
Дар роҳи Душанбе – Чаноқ бинобар корҳои профилактикӣ пардохти ғайринақдӣ муваққатан қатъ мешавад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ оғоз мегардад
ИМРӮЗ ДАР ТОҶИКИСТОН НАВРӮЗ ФАРО МЕРАСАД! Он оғози баҳор, рамзи тавозун ва низоми дақиқи коинот ба шумор меравад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ доир мешавад
АНДАР ШИНОХТИ НАВРӮЗ. Мулоҳизаҳои академик Фарҳод Раҳимӣ дар бораи аҳамияти ин ҷашни бостонӣ
Эмомалӣ Раҳмон: «Соҳиби илму маърифат будан яке аз фазилатҳои бузурги инсонӣ аст»
Эмомалӣ Раҳмон: «Риояи сарфаю сариштакорӣ одоби баргузории ҳар гуна иду маросим мебошад»
