Байни Тоҷикистон ва Қатар ҳамкории дуҷониба дар соҳаҳои сармоягузорӣ густариш меёбад
ДУШАНБЕ, 03.10.2024 /АМИТ «Ховар»/. 2 октябр дар шаҳри Давҳаи Давлати Қатар дар доираи Форуми тиҷоратии Муколамаи ҳамкории Осиё вохӯрии ҳайати расмии Ҷумҳурии Тоҷикистон таҳти роҳбарии Вазири рушди иқтисод ва савдои Ҷумҳурии Тоҷикистон Завқӣ Завқизода бо Вазири тиҷорат ва саноати Давлати Қатар Шайх Муҳаммад бин Ҳамад бин Қосим Оли Сонӣ баргузор гардид, ки зимни он ҷонибҳо татбиқи лоиҳаҳои афзалиятнок ва густариши ҳамкории дуҷониба дар соҳаҳои сармоягузориро мавриди муҳокима қарор доданд. Дар ин хусус АМИТ «Ховар» бо истинод ба Вазорати рушди иқтисод ва савдои Тоҷикистон хабар медиҳад.
Завқӣ Завқизода иброз намуд, ки бо шарофати сиёсати хирадмандонаи роҳбарони ду давлат- Президенти Ҷумҳурии Тоҷикистон муҳтарам Эмомалӣ Раҳмон ва Амири Давлати Қатар Шайх Тамим бин Ҳамад Оли Сонӣ муносибатҳои ду мамлакат пайваста рушд карда, ба сатҳи олӣ баромаданд.
Ҳамзамон бо мақсади иҷрои дастуру супоришҳои Пешвои миллат ва пайгирии супоришҳои Ҳукумати мамлакат барои татбиқи 14 лоиҳаи афзалиятноки сармоягузорӣ ва 3 лоиҳаи афзалиятноки хайриявӣ дар доираи Ёддошти тафоҳум оид ба ҳамкорӣ дар соҳаи фаъолияти хайриявӣ ва башардӯстона даъват ба амал оварда шуд.
Вобаста ба ин ҷонибҳо барои татбиқи лоиҳаҳои афзалиятнок ва густариши ҳамкории дуҷониба дар соҳаҳои сармоягузорӣ, энергетика, нақлиёт, кишоварзӣ, таъсиси корхонаҳои муштараки саноатӣ, савдою хизматрасонӣ, содироти молу маҳсулот ва дигар соҳаҳо ба мувофиқа расиданд.
Дар анҷоми вохӯрӣ ҷонибҳо барои густариши ҳамкории мутақобилан судманд изҳори омодагӣ намуданд.
АКС: Вазорати рушди иқтисод ва савдои Ҷумҳурии Тоҷикистон
Сафири Тоҷикистон ба Президенти Ҷумҳурии Чехия эътимоднома супорид
Дар Душанбе омодагӣ ба ҷаласаи навбатии Шурои сарони ҳукуматҳо-сарвазирони ИДМ баррасӣ гардид
Сафири Тоҷикистон бо Мудири иҷроияи Маркази пажӯҳишӣ ва машваратии «TRENDS»-и Амороти Муттаҳидаи Араб мулоқот намуд
Машваратҳои сиёсӣ байни вазоратҳои корҳои хориҷии Ҷумҳурии Тоҷикистон ва Ҷумҳурии Корея баргузор шуданд
Дар Риёз ҳамкорӣ байни АМИТ «Ховар» ва Агентии иттилоотии Арабистони Саудӣ «SPA» баррасӣ шуд
Сафири Тоҷикистон бо мудири кулли Фонди кувайтии рушди иқтисодиёти араб мулоқот намуд
Сафири Тоҷикистон бо муовини якуми Вазири корҳои дохилии Арабистони Саудӣ мулоқот намуд
Сафири Тоҷикистон бо Вазири авиатсияи граждании Миср мулоқот намуд
Дар Душанбе омодагӣ ба Форуми ҳамкории «Осиёи Марказӣ-Ҷумҳурии Корея» мавриди баррасӣ қарор гирифт
Ҳамкории вилояти Хатлони Тоҷикистон ва вилояти Марии Туркманистон баррасӣ гардид
Дар Женева доир ба Конфронси байналмилалии сатҳи баланд оид ба ҳифзи пиряхҳо нишасти хабарӣ баргузор шуд
Сафири Тоҷикистон бо Директори генералии Академияи дипломатии Анвар Гаргаши Амороти Муттаҳидаи Араб мулоқот намуд
