Дар Қазоқистон машқҳои неруҳои сулҳовари СААД «Бародарии шикастнопазир-2024» анҷом ёфтанд
ДУШАНБЕ, 07.10.2024 /АМИТ «Ховар»/. Аз 1 то 5 октябр дар машқгоҳи «Берег»-и Қазоқистон машқҳои неруҳои сулҳовари Созмони Аҳдномаи амнияти дастҷамъӣ (СААД) «Бародарии шикастнопазир-2024» доир гардиданд. Дар ин хусус хадамоти матбуоти Вазорати мудофиаи Қазоқистон рӯзи якшанбе иттилоъ додааст, хабар медиҳад АМИТ «Ховар» бо истинод ба «Синхуа».
Ҳайати неруҳои сулҳовар вазифаҳои дар наздашон гузоштаро муваффақона иҷро намуданд. Зимни машқҳо масъалаҳои омодагӣ ва гузаронидани амалиёти неруҳои сулҳовар баррасӣ гардиданд. Диққати асосӣ зимни машқҳо ба ҳамоҳангии амалиёт байни хадамоти мудофиа ва дигар мақомот равона карда шуд.
Ба машқҳои фармондеҳӣ-ситодӣ мутахассисоне ҷалб карда шуданд, ки бевосита таҷриба ва омодагии миссияҳои неруҳои сулҳовари Созмони Милали Муттаҳидро доранд. Воҳидҳои Созмони Аҳдномаи амнияти дастҷамъӣ вазифаҳои неруҳои сулҳоварро дар гузаргоҳҳо ва марказҳои қабули гурезагон якҷоя анҷом дода, минтақаро посбонӣ карда, кумакҳои башардӯстона расониданд.
Дар машқҳо ҳайатҳои миллии неруҳои сулҳовари Тоҷикистон, Қазоқистон, Қирғизистон, Беларус, Русия, гурӯҳҳои фаврии ситодҳои муштарак ва котиботи Созмони Аҳдномаи амнияти дастҷамъӣ иштирок доштанд. Ба машқҳо зиёда аз ду ҳазор низомиён, 500 мошини зиреҳпӯш ва автомобилӣ, чархболҳои Ми-17, Ми-35, ҳавопаймоҳои Ил-76 ва С-295 ва ҳавопаймоҳои бесарнишин ҷалб шуданд.
АКС: СААД
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
САВГАНДИ САДОҚАТ БА ХАЛҚУ ВАТАН! Дар шаҳри Бӯстон маросими савгандёдкунии наваскарон баргузор гардид
КИРМАКПАРВАРӢ. Имсол ба ҷамоатҳои шаҳри Истаравшан 200 қуттӣ кирмак тақсим карда шуд
Барои муштариёни Суғду Хатлон – тарофаҳои дорои интернети бештар
Дар ноҳияи Рӯдакӣ таҳти унвони «Оила-рамзи муҳаббат, вафо ва ҳамдигарфаҳмӣ» ҳамоиш доир гардид
Ноҳияи Дӯстии вилояти Хатлон нақшаи истеҳсоли пилларо пурра иҷро намуд
ИМРӮЗ — РӮЗИ БАЙНАЛМИЛАЛИИ ОИЛА. Барномаи давлатии рушди оила дар Тоҷикистон ба таҳкими пояҳои оиладорӣ нигаронида шудааст
Имрӯз дар Тоҷикистон ҳаво то 36 дараҷа гарм мешавад
Дар ноҳияи Нуробод бахшида ба Рӯзи байналмилалии оила ҳамоиши маърифатӣ доир гардид
«ДУШАНБЕ — ШАҲРИ САРСАБЗ, ГУЛПӮШ ВА НАЗАРРАБО». Андешаҳои иштирокчии Конфронси Созмони озуқаворӣ ва кишоварзӣ дар ин маврид
Дар Душанбе намоиши маҳсулоти корхонаҳои истеҳсолии муассисаҳои ислоҳӣ доир гардид
