Дар Душанбе бахшида ба Рӯзи забони давлатӣ конференсияи илмӣ-ҷумҳуриявӣ баргузор гардид
ДУШАНБЕ, 01.10.2024. /АМИТ «Ховар»/. Бо ибтикори Кумитаи кор бо занон ва оилаи назди Ҳукумати Ҷумҳурии Тоҷикистон бахшида ба Рӯзи забони давлатӣ (5 октябр) таҳти унвони «Забон-рукни асосии ҳастии миллат ва давлат» конференсияи илмӣ-ҷумҳуриявӣ баргузор гардид.
Тавре мухбири АМИТ «Ховар» хабар медиҳад, ҳадафи баргузории конференсия ҳифз ва арҷгузории забони давлатӣ арзёбӣ гардид. Иброз шуд, ки имсол таҷлили Рӯзи забони давлатӣ ба тасдиқу амалишавии 15-солагии Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» ва таҷлили 33-солагии Истиқлолияти Ҷумҳурии Тоҷикистон рост омад.
Раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода иброз дошт, ки «дар шароити пуртазоди печидаи ҷоҳони имрӯза офтоби бахти миллате тобон аст, ки истиқлоли комил дошта, сарнавишти давлат ва тақдири худро бо дасти худ менависаду месозад. Шукрона бояд кард, ки чунин бахту иқболи баланд баъди солиёни зиёд ба тоҷикон бори дигар насиб гардида, аз файзу баракати он давлат сиёсати худро дар қатори дигар кишварҳои олам мустақилона амалӣ менамояд».
Маҳз Истиқлолияти давлатӣ барои дурахши дубораи забони тоҷикӣ ва рушду такомули он заминаи мусоид ва имконияти фаровон муҳайё намуд.
Забони давлатӣ аз рукнҳои асосии давлатдории миллӣ аст, ки дар пойдорӣ ва суботу давлати миллӣ мақому нақши муҳим дошта, забони миллату ҳастии миллат ва бунёду пояи давлат эълон гардидааст.
Дар ҳамоиш намояндагони донишгоҳу донишкадаҳои олии мамлакат вобаста ба мавзуъҳои мубрами соҳаи забоншиносӣ маъруза намуданд. Ҳамзамон дар ҳамоиш даъват гардид, ки барои рушди забони тоҷикӣ ва саҳм гузоштан дар ҳифзу нигаҳдошти он бетараф набошанд.
АКС: Кумитаи кор бо занон ва оилаи назди Ҳукумати Ҷумҳурии Тоҷикистон
Дар шаҳру ноҳияҳои Суғд Фестивали ҷумҳуриявии дӯстии ҷавонон идома дорад
Ҳамкории Тоҷикистон ва Иттиҳоди Аврупо дар самти ҳуқуқи инсон тақвият меёбад
СОЛИ ТАҚВИЯТУ ТАҲКИМИ ХУДШИНОСИВУ ХУДОГОҲИИ МИЛЛӢ. Доир ба масоили ҳувияти миллӣ ва амнияти давлат ҳамоиши илмӣ баргузор шуд
Оид ба татбиқи нақшаи амали Стратегияи миллии фаъолгардонии нақши занон дар Тоҷикистон конференсия доир шуд
Дар Институти геология, сохтмони ба заминҷунбӣ тобовар ва сейсмология Маркази мониторинги сейсмикӣ ба истифода дода шуд
Намояндагони Сафорати Тоҷикистон дар Федератсияи Русия бо донишҷӯёни тоҷик вохӯрӣ намуданд
Дар Душанбе масъалаи ифлосшавии ҳавои атмосферӣ дар мамлакат баррасӣ гардид
Дар Тоҷикистон барои беҳтар намудани хизматрасонии тиббӣ иқдоми нав амалӣ мегардад
Тоҷикистону Чин дар бахши тандурустӣ Ёддошти ҳамкории сеҷониба ба имзо расониданд
«БАҲОРИ ҶАВОНӢ — НАВРӮЗИ ҶАҲОНӢ». Дар вилояти Суғд Фестивали ҷумҳуриявии дӯстии ҷавонон оғоз гардид
МАСЪУЛИЯТ БАРОИ ТАЪЛИМУ ТАРБИЯИ КӮДАК. Судяҳои ноҳияи Фирдавсӣ бо волидону хонандагон вохӯрӣ намуданд
Дар Душанбе оид ба нақши занон дар эҳёи суннатҳои наврӯзӣ форуми байналмилалӣ баргузор гардид
