Дар Душанбе байни Тоҷикистон ва Бонки Осиёии рушд созишномаи грантӣ ба имзо расид
ДУШАНБЕ, 15.10.2024 /АМИТ «Ховар»/. Байни Тоҷикистон ва Бонки Осиёии рушд барои маблағгузории лоиҳаи «Азнавпайвастшавӣ ба низоми энергетикии Осиёи Марказӣ – маблағгузории иловагӣ» созишномаи грантӣ ба имзо расид. Дар ин хусус АМИТ «Ховар» бо истинод ба Вазорати молияи ҷумҳурӣ хабар медиҳад.
Созишномаро Вазири молияи Ҷумҳурии Тоҷикистон Файзиддин Қаҳҳорзода ва намояндаи доимии Бонки Осиёии рушд хонум Шенни Кемпбал ба имзо расониданд.
Маблағи иловагӣ барои ин лоиҳа 15 миллион доллари амрикоиро ташкил намуда, пурра аз ҳисоби маблағҳои грантии Бонки осиёии рушд амалӣ мешавад.
Маблағҳои иловагии ҷалбшаванда ба маблағгузории ҷузъҳои иловагӣ, аз ҷумла сохтмони 22 километр хатҳои нави интиқоли барқи 500-киловолта байни зеристгоҳҳои «Сирдарёи Нав»-и Ҷумҳурии Узбекистон ва «Суғд»-и Ҷумҳурии Тоҷикистон, сохтмони ду хати нави 500-киловолта дар ҳарду зеристгоҳ ва баланд бардоштани иқтидори кормандони техникӣ, бахусус донишҷӯдухтарони коллеҷҳои техникии Тоҷикистон равона карда мешаванд.
АКС: Вазорати молияи Ҷумҳурии Тоҷикистон
Дар ноҳияи Ҷаббор Расулов нақшаи истеҳсоли пахта 100 фоиз иҷро гардид
БОҒҲОИ ИНТЕНСИВӢ. Дар Тоҷикистон аз майдони кам метавон ҳосили баланди босифат ба даст овард
Сарвазири Тоҷикистон Қоҳир Расулзода дар ноҳияҳои Абдураҳмони Ҷомӣ ва Дӯстӣ бо корҳои ободонию созандагӣ ва саривақт ҷамъоварӣ намудани ҳосили пахта шинос шуд
Дар ноҳияи Ёвон парвариши лимӯ ва апелсин бо риояи талаботи зарурии агротехникӣ ба роҳ монда шудааст
Раёсати дар Шурои авиатсия ва истифодаи фазои ҳавоии ИДМ ба Тоҷикистон гузашт
Тоҷикистон 9 терминал ва маркази логистикиро ба рӯйхати «бандарҳои хушк»-и ЭСКАТО пешниҳод намуд
ФАЗОИ ТОҶИКРО ОЯНДАИ ДУРАХШОН ИНТИЗОР АСТ. Назари коршинос дар хусуси рушди авиатсияи тоҷик
ЧОРВОДОРӢ ДАР ТОҶИКИСТОН. Таъмини аҳолӣ бо маҳсулоти гӯштию ширӣ ба рушди ин соҳа вобаста аст
Дар шаҳри Ваҳдат «Фестивали намоиш ва фурӯши чорвои зотӣ» баргузор мегардад
Раванди иҷро ва мушкилоти рамзгузории электронӣ, фаъолияти операторони пайгирикунандаи гардиши молҳо ва раванди назорати онҳо баррасӣ гардид
ПАНЕЛҲОИ ОФТОБӢ. Ва ё қадаме ба сӯи истиқлолияти энергетикӣ ва ҳифзи сайёра
Байни Тоҷикистон ва Корея оид ба татбиқи лоиҳаҳо дар соҳаи нақлиёт Ёддошти тафоҳум ба имзо расид
