Дар Ереван ҷаласаи 34-уми прокуророни генералии мамлакатҳои аъзои Иттиҳоди Давлатҳои Мустақил баргузор гардид
ДУШАНБЕ, 04.10.2024 /АМИТ «Ховар»/. 4 октябр Прокурори генералии Ҷумҳурии Тоҷикистон Юсуф Раҳмон дар Ҷумҳурии Арманистон дар ҷаласаи 34-уми прокуророни генералии кишварҳои аъзои Иттиҳоди Давлатҳои Мустақил иштирок намуда, дар мавзуи «Нақш ва таҷрибаи прокуратураи Ҷумҳурии Тоҷикистон дар пешгирии ифротгароӣ, терроризм ва киберҷиноятҳо» суханронӣ намуд. Дар ин хусус АМИТ «Ховар» бо истинод ба Прокуратураи генералии Ҷумҳурии Тоҷикистон хабар медиҳад.
Дар ҷаласа роҳбарияти прокуратураҳои генералии кишварҳои аъзои Иттиҳоди Давлатҳои Мустақил – Ҷумҳурии Арманистон, Федератсияи Русия, Ҷумҳурии Беларус, Ҷумҳурии Қазоқистон, Ҷумҳурии Қирғизистон, Ҷумҳурии Узбекистон, инчунин Котиби иҷроияи Шурои ҳамоҳангсозии прокуророни генералии кишварҳои аъзои Иттиҳоди Давлатҳои Мустақил иштирок ва суханронӣ намуданд.
Дар доираи ҷаласа оид ба нақши мақомоти прокуратура дар самтҳои гуногуни фаъолияти прокуратура, аз ҷумла ҷорӣ намудани технологияҳои муосир дар фаъолияти прокуратура, ҳимояи манфиатҳои давлат дар ҷиноятҳои дорои хусусияти коррупсионӣ, ҳифзи ҳуқуқҳои ноболиғон, ҳифзи соҳибкорӣ ва дастгирии лоиҳаҳои сармоягузорӣ, тайёр кардан, бозомӯзӣ ва такмили ихтисоси кормандони прокурорӣ ва тафтишотӣ, ташкили назорати прокурорӣ оид ба риояи ҳуқуқҳои шаҳрвандони аз ҷиҳати иҷтимоӣ осебпазир ва пешгирии экстремизм, терроризм ва киберҷиноятҳо табодули афкор доир шуд.
Ҷонибҳо барои таҳким бахшидани ҳамкории прокуратураҳои давлатҳои аъзо дар самтҳои номбаршуда ба мувофиқа расиданд.
АКС: Прокуратураи генералии Ҷумҳурии Тоҷикистон
Ҳабибулло Воҳидзода бо сафири навтаъйини Беларус дар Тоҷикистон мулоқот намуд
Эмомалӣ Раҳмон: «Ҳар корманди милитсия бояд бо рафтору гуфтор, дониш, самимияту эътимод сазовори боварии шаҳрвандон бошад»
Дар Роғун Рӯзи милитсияи тоҷикро таҷлил намуданд
Дар Суғд Рӯзи милитсияи тоҷикро ботантана таҷлил намуданд
Дар 26 шаҳру ноҳияи Тоҷикистон шуъбаҳои Вазорати корҳои дохилӣ бо биноҳои замонавӣ таъмин шуданд
Рӯзи милитсияи тоҷик дар Вилояти Мухтори Кӯҳистони Бадахшон ботантана таҷлил гардид
10 НОЯБР — РӮЗИ МИЛИТСИЯИ ТОҶИК. Барои беҳтар намудани шароити хизмат дар мақомоти корҳои дохилӣ беш аз 1500 иншоот бунёд гардидааст
Дар Душанбе бахшида ба Рӯзи милитсияи тоҷик ҷамъомади тантанавӣ доир шуд
Котиби Шурои амнияти Тоҷикистон дар вохӯрии котибони Шуроҳои амнияти кишварҳои ИДМ иштирок намуд
Тоҷикистон ва Қазоқистон ҳамкории ҳуқуқиро тақвият медиҳанд
Дар Вазорати корҳои дохилӣ ба муносибати Рӯзи милитсияи тоҷик ҳамоиши тантанавӣ доир шуд
Дар доираи татбиқи Стратегияи миллии Ҷумҳурии Тоҷикистон оид ба паст кардани хавфи офатҳои табиӣ тадбирҳои муҳим андешида шудаанд
