Масъалаҳои татбиқи Конвенсияи СММ оид ба гуногунии биологӣ дар Колумбия баррасӣ шуданд
ДУШАНБЕ, 30.10.2024 /АМИТ «Ховар»/. Масъалаҳои татбиқи Конвенсияи Созмони Милали Муттаҳид /СММ/ оид ба гуногунии биологӣ ва санадҳои он дар Тоҷикистон, инчунин якчанд иқдоми марбута зимни мулоқоти Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо Котиби иҷроияи Котиботи Конвенсияи Созмони Милали Муттаҳид оид ба гуногунии биологӣ хонум Астрид Шомакер дар ҳошияи Конфронси тарафҳои Конвенсияи Созмони Милали Муттаҳид оид ба гуногунии биологӣ (COP16), ки дар шаҳри Калии Колумбия доир гардид, баррасӣ шуданд.
АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад, ки ҷонибҳо татбиқи лоиҳаи глобалии «Дастгирии амалҳои пешакӣ оид ба Чаҳорчӯбаи гуногунии биологӣ»-ро, ки ба арзёбии стратегияҳои қаблии гуногунии биологӣ ва муайян намудани ҳадафҳои нав мутобиқи «Чорчӯбаи глобалии гуногунии биологии Кунминг- Монреал барои давраи то соли 2030» нигаронида шудаанд, баррасӣ намуданд.
Ҳамзамон масъалаҳои лоиҳаи таҷдиди стратегияи миллӣ ва нақшаи чорабиниҳо оид ба гуногунии биологӣ ва омодасозии коммуникатсияи 7-уми миллӣ, ки оғози татбиқи он то соли 2025 пешбинӣ шудааст, матраҳ шуданд.
Аз ҷониби Баҳодур Шерализода ҳамчунин масъалаҳои татбиқи ташаббусҳо дар соҳаи ҳифз ва истифодаи устувори захираҳои ирсӣ ва таъмини амнияти биологӣ дар доираи протоколҳои ин конвенсия мавриди таваҷҷуҳ қарор дода шуданд.
Тоҷикистон дар минтақаи Осиёи Марказӣ яке аз аввалинҳо шуда, ин протоколро ба тасвиб расонид ва оид ба таҳкими сиёсат ва зарфияти институтсионалии идораҳои дахлдор якчанд ташаббусро амалӣ намуд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
Ташаббусҳои байналмилалӣ нуфузи Тоҷикистонро қавитар мегардонанд
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
ТАШАББУСҲОИ ТОҶИКИСТОН ДАР СОҲАИ ОБУ ИҚЛИМ. Аз соли 1940 то соли 2017 — дар ҳар даҳсола аз +0,1 то +0,2 дараҷа ҳарорати ҳаво баланд шудааст
МУТТАҲИДКУНИИ ҶАҲОН БАРОИ ОБ. Моҳи май дар Душанбе Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор» доир мешавад
Таъсиси Шурои миллии об дар Тоҷикистон қадами муҳим дар самти идоракунии устувори захираҳои об аст
РАВАНДИ ОБИ ДУШАНБЕ. Моҳи майи соли 2026 Душанбе мизбони Конфронси чоруми байналмилалии сатҳи баланд оид ба Даҳсолаи байналмилалии «Об барои рушди устувор» мегардад
МАЪРИФАТИ ҲУҚУҚӢ — ПОЯИ АДОЛАТ. Дар робита ба ташаббуси Тоҷикистон дар бораи «Соли байналмилалии маърифати ҳуқуқӣ, 2027»
«ҲИФЗИ ПИРЯХҲО ВА КРИОСФЕРА». Қабули ин қатънома қадами устувор дар масири мутобиқнамоии ноҳияҳои кӯҳсор ба гармшавии глобалии иқлим аст
Соли 2028 Душанбе мизбони Конфронси Созмони Милали Муттаҳид оид ба захираҳои об мегардад
Президенти Тоҷикистон соли 2025-ро соли дастовардҳои назаррас ва рӯйдодҳои муҳими таърихӣ номиданд
ЭМОМАЛӢ РАҲМОН — ТАШАББУСКОРИ ҶАҲОНИИ МАЪРИФАТИ ҲУҚУҚӢ. Дар робита ба қабули қатъномаи Маҷмаи Умумии СММ дар бораи «Соли байналмилалии маърифати ҳуқуқӣ, 2027»
