Нақши соҳибкорони Панҷакент дар рушди соҳаҳои иқтисоду иҷтимоиёти шаҳр назаррас аст
ДУШАНБЕ, 14.10.2024. /АМИТ «Ховар»/. Дар шаҳри Панҷакент 9666 нафар соҳибкор сабти ном шудааст, ки назар ба соли2023 624 нафар бештар мебошад. Чунин иброз гардид дар чорабиние, ки дар шаҳри Панҷакент бахшида ба Рӯзи соҳибкорон баргузор гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент хабар медиҳад.
Зимни ҳамоиш нақши соҳибкорон дар рушди соҳаҳои иқтисоду иҷтимоиёти шаҳр таъкид гардида, саҳми онҳо дар таъмини бозори дохилӣ, бунёди иншооти таъйиноти гуногун, бору мусофиркашонӣ, ғанӣ гардонидани буҷет, бо шуғл фаро гирифтани аҳолӣ, рушди сайёҳӣ ва дигар соҳаҳо муҳим арзёбӣ гардид.
Бо мақсади мусоидат ба рушди соҳибкорӣ ва ҷалби бештари сармоягузорон дар шаҳри Панҷакент соли равон бо иштироки соҳибкорону сармоягузорон форумҳои беҳдошти саводи молиявӣ баргузор гардиданд.
Дар ҳамкорӣ бо шарикони рушд дар доираи лоиҳаҳои сармоягузорӣ бо фарогирии 74,2 ҳазор нафар баҳрагирандагон сардхона, агроҷангал ва боғҳои интенсивӣ, гармхона ва мурғхона бунёд шуд. Дар ин замина ба соҳибкорон дар ҳаҷми 226,8 миллион сомонӣ маблағҳои қарзи бонкӣ дода шуданд.
Дар анҷом як зумра соҳибкорони муваффақ бо «Сипоснома»-и мақомоти иҷроияи маҳаллии ҳокимияти давлатии шаҳр сарфароз гардонида шуданд.
АКС: Мақомоти иҷроияи ҳокимияти давлатии шаҳри Панҷакент
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
САВГАНДИ САДОҚАТ БА ХАЛҚУ ВАТАН! Дар шаҳри Бӯстон маросими савгандёдкунии наваскарон баргузор гардид
КИРМАКПАРВАРӢ. Имсол ба ҷамоатҳои шаҳри Истаравшан 200 қуттӣ кирмак тақсим карда шуд
Барои муштариёни Суғду Хатлон – тарофаҳои дорои интернети бештар
Дар ноҳияи Рӯдакӣ таҳти унвони «Оила-рамзи муҳаббат, вафо ва ҳамдигарфаҳмӣ» ҳамоиш доир гардид
Ноҳияи Дӯстии вилояти Хатлон нақшаи истеҳсоли пилларо пурра иҷро намуд
ИМРӮЗ — РӮЗИ БАЙНАЛМИЛАЛИИ ОИЛА. Барномаи давлатии рушди оила дар Тоҷикистон ба таҳкими пояҳои оиладорӣ нигаронида шудааст
