Рӯзи Истиқлоли давлатии Ҷумҳурии Тоҷикистон дар Миср таҷлил карда шуд
ДУШАНБЕ, 03.10.2024 /АМИТ «Ховар»/. Бо ташаббуси Сафорати Ҷумҳурии Тоҷикистон дар Ҷумҳурии Арабии Миср Истиқлолияти давлатии Ҷумҳурии Тоҷикистон таҷлил карда шуд, хабар медиҳад АМИТ «Ховар» бо истинод ба Вазорати корҳои хориҷии Ҷумҳурии Тоҷикистон.
Дар чорабинӣ муовини вазири корҳои хориҷии Ҷумҳурии Арабии Миср Аҳмад Шоҳин, сафирон ва роҳбарони намояндагиҳои хориҷии муқими Миср, коршиносон, донишмандону хабарнигорон ва намояндагони вазорату идораҳои кишвари иқомат, инчунин тоҷикони муқими Миср иштирок намуданд.
Сафири Фавқулода ва Мухтори Ҷумҳурии Тоҷикистон дар Ҷумҳурии Арабии Миср Парвиз Мирзозода аз пешрафтҳои Тоҷикистон дар замони истиқлол сухан гуфта, ташаббусҳои ҷаҳонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар соҳаи обу иқлим дар ҳалли проблемаҳои ҷаҳонӣ муаррифӣ намуд.
Парвиз Мирзозода саҳми фарзандони миллати тоҷик Носири Хусрав, Абуалӣ ибни Сино, Аҳмади Фарғонӣ ва дигаронро дар густариши илму адаб дар паҳнои ҷаҳони ислом, аз ҷумла Миср ёдовар шуда, муштаракоти таърихии мардумони Тоҷикистон ва Мисрро омили муҳим дар пайванди амиқ байни ду давлат аз гузашта то имрӯз унвон кард.
Муовини вазири корҳои хориҷии Миср Аҳмад Шоҳин Тоҷикистонро барои Миср аз ҷумлаи давлатҳои муҳим баршумурд ва азми кишварашро барои густариши равобит бо Тоҷикистон мавриди таъкид қарор дод.
Бояд гуфт, ки ҳамзамон бо ҷашни истиқлол маросими муаррифии китоби «Муносибатҳои Тоҷикистон ва Миср дар тӯли сӣ сол», намоишгоҳи либосҳои миллӣ ва аксу мусаввараҳои Тоҷикистон, барномаи фарҳангӣ-ҳунарӣ бо иштироки ҳунармандони Тоҷикистон ва инчунин зиёфати расмӣ доир карда шуд.
АКС: Вазорати корҳои хориҷии Ҷумҳурии Тоҷикистон
Роҳҳои ҷамоатҳои деҳоти «Алмосӣ», Мирзо Ризо ва Мирзо Турсунзодаи шаҳри Ҳисор таъмир ва мумфарш мегарданд
Сарвазири Тоҷикистон дар шаҳру ноҳияҳои вилояти Хатлон бо ҷараёни иншооти бунёдшаванда шинос гардид
Рӯзи Истиқлоли давлатии Тоҷикистон дар шаҳри Сеул таҷлил карда шуд
Дар Панҷакент сохтмони Боғи фарҳангию фароғатии Абулқосим Фирдавсӣ оғоз шуд
Президенти Тоҷикистон Эмомалӣ Раҳмон дар Неругоҳи обии «Роғун» бо нақби турбинии агрегати рақами 3 ва 4 шинос шуданд
Пешвои миллат Эмомалӣ Раҳмон дар Неругоҳи обии «Роғун» бо ҷараёни корҳо дар толори мошинҳо шинос гардиданд
Сарвари давлат Эмомалӣ Раҳмон дар Неругоҳи обии «Роғун» бо ҷараёни корҳо дар Кони рақами 17 шинос шуданд
Президенти Тоҷикистон Эмомалӣ Раҳмон дар Неругоҳи обии «Роғун» бо ҷараёни корҳо дар нақбҳои обқабулкунандаи доимӣ ва шахтаҳои дарвозаҳои он шинос шуданд
Пешвои миллат Эмомалӣ Раҳмон дар Неругоҳи обии «Роғун» бо ҷараёни корҳо дар рӯди Оби Шӯр шинос шуданд
Сарвари давлат Эмомалӣ Раҳмон бо ҷараёни корҳо дар сарбанди Неругоҳи обии «Роғун» шинос гардиданд
Президенти Ҷумҳурии Тоҷикистон Эмомалӣ Раҳмон бо рафти корҳо дар нақби сохтмонии қабати 4 (СТ-4)-и НБО «Роғун» шинос шуданд
Пешвои миллат Эмомалӣ Раҳмон хати интиқоли барқи 220 кВ аз НБО «Роғун» то зеристгоҳи барқии «Роғун»-ро ба истифода доданд
