Тоҷикистон ва Русия ҳамкориро дар соҳаи сайёҳӣ тақвият мебахшанд
ДУШАНБЕ, 28.10.2024 /АМИТ «Ховар»/. 27 октябр ҳайати Ҷумҳурии Тоҷикистон таҳти роҳбарии Раиси Кумитаи рушди сайёҳӣ Камолиддин Муминзод ба шаҳри Екатеринбурги вилояти Свердловск сафар намуд. Дар ин хусус АМИТ «Ховар» бо истинод ба Кумитаи рушди сайёҳии назди Ҳукумати Ҷумҳурии Тоҷикистон хабар медиҳад.
Мақсади сафар иҷрои муқаррароти Комиссияи байниҳукуматии Тоҷикистон ва Федератсияи Русия оид ба масъалаҳои иқтисодӣ ва вусъат бахшидани корҳои тарғиботию ташвиқотӣ тавассути муаррифии иқтидори сайёҳии мамлакат ва ба ин васила ҷалби бештари ҷаҳонгардон барои боздидҳои муштарак мебошад.
Сафари намояндагони Тоҷикистон, ки бо мақсади густариши ҳамкории сайёҳӣ байни Тоҷикистон ва Русия анҷом дода мешавад, то 31 октябр идома меёбад.
Ёдовар мешавем, ки ба Ҷумҳурии Тоҷикистон то имрӯз аз 127 давлати ҷаҳон сайёҳон ворид шудаанд. Ба панҷгонаи беҳтарин давлатҳо аз ҷиҳати теъдоди воридшавии шумораи сайёҳон Русия бо 329,0 ҳазор нафар гардишгар ворид гардидааст.
Сайёҳӣ дар Тоҷикистон яке аз соҳаҳои муҳими рушди иқтисоди мамлакат ба ҳисоб рафта, солҳои охир он босуръат рушд менамояд.
Таваҷҷуҳ ва афзоиши сайёҳони хориҷӣ ба Тоҷикистон нишони он аст, ки соҳаи сайёҳии мамлакат дар ҳоли рушд қарор дошта, маконҳои зебои он диққати гардишгаронро беш аз пеш ҷалб менамоянд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Дар Душанбе Фестивали байналмилалии «Наврӯз — мероси фарҳангию ҷаҳонгардӣ» баргузор гардид
Дар Чин имкониятҳои сайёҳии Тоҷикистон муаррифӣ мешаванд
«ЧИЛДУХТАРОН». Табиати нотакрор ва чашмаҳою гиёҳҳои шифобахши ин мавзеъ шуҳрати беандоза дорад
Донишгоҳи байналмилалии сайёҳӣ ва соҳибкории Тоҷикистон ҷиҳати иштирок дар рейтинги ҷаҳонии донишгоҳҳои «сабз» қадамҳои устувор мегузорад
Имкониятҳои сайёҳии шаҳри Душанбе ва таҷлили ҷашни Наврӯз аз ҷониби блогерони хориҷӣ тарғиб мешаванд
Дар Кумитаи рушди сайёҳӣ барои сайёҳони хориҷӣ телефони боварӣ ташкил гардид
Дар Душанбе Форуми IV байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор шуд
Нахустин хатсайри мустақими ҳавоии Бишкек-Хуҷанд-Бишкек фаъол гардид
Имкониятҳои сайёҳии шаҳри Душанбе барои намояндагони соҳаи сайёҳӣ, ВАО ва блогерони ҷазираи Киши Эрон муаррифӣ карда шуданд
Донишҷӯёни муассисаҳои олӣ толори «Ташаббусҳои ҷаҳонии Ҷумҳурии Тоҷикистон дар соҳаи об ва ҳифзи пиряхҳо»-ро тамошо намуданд
Тамошои дастҷамъонаи кормандони сохторҳои шаҳри Душанбе аз толори «Ташаббусҳои ҷаҳонии Ҷумҳурии Тоҷикистон дар соҳаи об ва ҳифзи пиряхҳо» идома дорад
Аъзою кормандони ҲХДТ толори «Ташаббусҳои ҷаҳонии Ҷумҳурии Тоҷикистон дар соҳаи об ва ҳифзи пиряхҳо»-ро тамошо намуданд
