TRAVEL HUB «ИТТИҲОД-2024». Дар Душанбе форуми байналмилалии сайёҳӣ баргузор мегардад
ДУШАНБЕ, 18.10.2024 /АМИТ «Ховар»/. 19-20 октябр дар шаҳри Душанбе Форуми байналмилалии TRAVEL HUB «Иттиҳод-2024» баргузор мегардад. Дар ин хусус ба АМИТ «Ховар» дар Кумитаи рушди сайёҳии назди Ҳукумати Ҷумҳурии Тоҷикистон хабар доданд.
Форум имсол маротибаи чаҳорум аст, ки баргузор гардида, бори аввал аст, ки дар қолаби берунӣ (яъне дар шаҳри Душанбе) доир мешавад.
TRAVEL HUB «Иттиҳод — 2024» байни иштирокчиёни соҳаи сайёҳии Иттиҳоди Давлатҳои Мустақил ба платформаи калидии ҳамкорӣ табдил ёфтааст.
Мақсади баргузории форум афзоиши гардиши сайёҳон дар кишварҳои аъзои Иттиҳоди давлатҳои Мустақил, рушди робитаҳои нав байни иштирокчиёни бозори сайёҳӣ, баланд бардоштани эътироф ва ҷолибияти давлатҳои аъзо, рушди ҳамкории мутақобил ва табодули таҷриба байни мамлакатҳо дар соҳаи сайёҳии тиббӣ, экологӣ ва таърихию фарҳангӣ арзёбӣ мегардад.
Дар рӯзи якуми форум дар меҳмонхонаи «Hyatt Regency» баргузории ҷаласаи пленарӣ, дарсҳои маҳорат барои меҳмонхонаҳо, ҷаласаи стратегӣ, вохӯриҳо байни ширкатҳои сайёҳии давлатҳои аъзои Иттиҳоди Давлатҳои Мустақил ба нақша гирифта шудааст.
20 октябр ҳайати иштирокдорони форум дар ҷашни миллии Меҳргон, ки дар Муассисаи давлатии «Боғи фарҳангию фароғатии ба номи Абулқосим Фирдавсӣ» баргузор мегардад, иштирок менамояд.
TRAVEL HUB «Иттиҳод» ҳамчун платформаи муттаҳидсозии намояндагони соҳаи сайёҳии кишварҳои аъзои Иттиҳоди Давлатҳои Мустақил соли 2019 дар иҷлосияи 23-юми Созмони ҷаҳонии сайёҳӣ, ки дар Қасри Таврид — қароргоҳи Ассамблеяи байнипарлумонии Иттиҳоди Давлатҳои Мустақил баргузор гардид, таъсис дода шуд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Сарвари давлат Эмомалӣ Раҳмон дар ноҳияи Дарвоз аз деҳаи этнографии комплекси сайёҳии «ЗЕВ.С» дидан намуданд
Пешвои миллат Эмомалӣ Раҳмон дар ноҳияи Дарвоз ба фаъолияти комплекси сайёҳии «ЗЕВ.С» оғоз бахшиданд
РУШДИ САЙЁҲӢ. Имсол 1612 нафар сайёҳон табиати нотакрори Бадахшонро тамошо карданд
«ХАТЛОН-ҚАЛБИ ГАРМИ САЙЁҲӢ». Дар шаҳри Кӯлоб форум ва намоишгоҳи байналмилалии сайёҳӣ доир гардид
«САЁҲАТ БА ҚАЛБИ АВРУОСИЁ». 12 июл иштирокчиёни экспедитсияи байналмилалӣ ба Тоҷикистон мерасанд
«ХАТЛОН-ҚАЛБИ ГАРМИ САЙЁҲӢ». Дар Кӯлоб форум ва намоишгоҳи байналмилалии сайёҳӣ доир мешавад
Дар мавзуи «Нақши Ваҳдати миллӣ дар рушди иқтисоди миллӣ ва сайёҳию соҳибкорӣ» ҳамоиш баргузор шуд
Экспедитсияи сайёҳии «Саёҳат ба қалби Авруосиё-2025» аз Москва оғоз гардид
Тоҷикистону Ҳиндустон ҳамкории фарҳангӣ ва сайёҳиро таҳким мебахшанд
РУШДИ САЙЁҲӢ ДАР БАДАХШОН. Сабзазорҳои алпӣ, биёбонҳои баландкӯҳ, дарёҳои тезҷараён ва кӯлҳои мусаффои он назаррабо мебошанд
Ҳайати Тоҷикистон дар ҷаласаи 71-уми ҷаласаи Комиссияи Аврупоии Созмони умумиҷаҳонии сайёҳӣ иштирок намуд
Мавзеи сайёҳии «Арху» ба макони писандидаи сайёҳон табдил ёфтааст
