Ҳамкории судманд дар самти фаъолияти гумрукӣ бо ҷониби Чин баррасӣ шуд
ДУШАНБЕ, 14.11.2024. /АМИТ «Ховар»/. 13 ноябр зимни мулоқоти Сардори Хадамоти гумруки назди Ҳукумати Ҷумҳурии Тоҷикистон, генерал-полковники хадамоти гумрук Хуршед Каримзода ва Сафири Ҷумҳурии Мардумии Чин Ҷи Шумин ҳамкории судманди дуҷониба дар самти фаъолияти гумрукӣ баррасӣ карда шуд. Дар ин хусус АМИТ «Ховар» бо истинод ба Хадамоти гумруки ҷумҳурӣ иттилоъ медиҳад.
Зимни мулоқот бо ишора ба масъалаҳои афзалиятноки гумрукӣ ба афзоиш додани гардиши тиҷорати хориҷии ду давлат диққати аввалиндараҷа зоҳир гардид.
Ҳамзамон ҷонибҳо оид ба тақвияти ҳамкорӣ дар самти омори гумрукӣ, инчунин бартараф намудани ихтилофоти омори гумрукии давлатҳо масъалагузорӣ намуданд. Гуфта шуд, ки раванди содироту воридоти молу маҳсулот байни давлатҳо дар якҷоягӣ сабаби хуб ба роҳ мондани муносибатҳои иқтисодӣ гардидааст.
Бо назардошти имконияти кишоварзии Тоҷикистон барои афзоиши гардиши мол байни тарафҳо масъалаи содироти меваи тару тоза ва хушкмеваҳо аз Ҷумҳурии Тоҷикистон ба Ҷумҳурии Мардумии Чин, инчунин масъалаи рушди инфрасохтори сайёҳӣ байни давлатҳо мавриди баррасии ҳамаҷониба қарор дода шуд.
Масъалаи таҳкими ҳамкорӣ дар самти фаъолияти гумрукӣ дар чаҳорчӯби кишварҳои Осиёи Марказӣ ва Чин низ муҳокима гардид.
Дар фарҷоми мулоқот ҷонибҳо ҳалли масъалаҳои матраҳшударо муҳим арзёбӣ намуда, барои татбиқи онҳо изҳори омодагӣ намуданд. Иброз шуд, ки ин вохӯрӣ ба рушди босуръати ҳамкории дуҷониба такони ҷиддӣ бахшида, барои таҳким ва густариши ҳамкорӣ дар самтҳои нави фаъолияти гумрукӣ замина мегузорад.
АКС: Хадамоти гумруки назди Ҳукумати Ҷумҳурии Тоҷикистон
Ба хотири гиромидошти 115-солагии Шоири халқии Тоҷикистон Мирзо Турсунзода дар Шаҳринав ҳамоиши илмӣ доир шуд
РАВАНДИ ОБИ ДУШАНБЕ. Моҳи май дар пойтахти Тоҷикистон Фестивали об баргузор мешавад
Оид ба масъалаҳои мубрами филологияи Шарқ ва робитаҳои адабӣ конференсияи байналмилалӣ доир шуд
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
