Баъди бозӣ бо «Эсхата» ба дастаи «Истиқлол»-и шаҳри Душанбе Ҷоми чемпиони Тоҷикистон супорида мешавад
ДУШАНБЕ, 22.11.2024 /АМИТ «Ховар»/. Имрӯз, 22 ноябр бозии мавқуфмондаи даври 18-уми Лигаи олии Тоҷикистон байни дастаҳои футболи «Истиқлол»-и шаҳри Душанбе ва «Эсхата»-и шаҳри Хуҷанд доир мегардад. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Вохӯрии дастаҳо дар Варзишгоҳи марказии шаҳри Душанбе соати 14:00 оғоз мегардад. Пас аз анҷоми ин вохӯрӣ аз тарафи Лигаи футболи Тоҷикистон ба бозигарон, мураббиён ва ҳайати маъмурии дастаи футболи «Истиқлол»-и шаҳри Душанбе Ҷом ва медалҳои Чемпионати Тоҷикистон супорида мешаванд.
Хотиррасон мешавем, ки пас аз анҷоми бозии даври 21-уми Лигаи футболи Тоҷикистон байни дастаҳои футболи «Вахш»-и шаҳри Бохтар ва «Хуҷанд»-и шаҳри Хуҷанд бо ҳисоби 1:0 дастаи футболи «Истиқлол»-и шаҳри Душанбе панҷ бозӣ пеш аз анҷоми чемпионати мамлакат бо 48 имтиёз соҳиби унвони чемпионӣ гардида буд.
Барои дастаи футболи «Истиқлол»-и шаҳри Душанбе ин сездаҳумин медали тилло аст. Қаблан дастаи «Истиқлол» солҳои 2010, 2011, 2014, 2015, 2016, 2017, 2018, 2019, 2020, 2021, 2022 ва 2023 чемпиони Тоҷикистон шуда буд.
Ҳоло дастаи футболи «Истиқлол»-и шаҳри Душанбе бо 50 имтиёз пешгоми ҷадвали мусобиқа мебошад. Дастаи футболи «Куктош»-и ноҳияи Рӯдакӣ дар мавсими оянда тарки Лигаи олӣ мекунад. Дастаи «Панҷшер»-и ноҳияи Ҷалолиддини Рӯмӣ бо дастае, ки зинаи дуюмро дар Лигаи якуми Тоҷикистон ишғол мекунад, рақобатҳои гузаришӣ анҷом медиҳад.
АКС: Федератсияи футболи Тоҷикистон
БОЗИИ РӮЗ! Имрӯз бозии ниҳоии марҳилаи интихобии Ҷоми Осиё-2027 байни Тоҷикистон ва Филиппин доир мегардад
Гурӯҳи доварон аз Тоҷикистон бозии дастаҳои Сурия ва Афғонистонро ҳакамӣ мекунад
ҶОМИ ОСИЁ-2027. Пагоҳ бозии даври 6-уми марҳилаи интихобӣ байни дастаҳои мунтахаби Тоҷикистон ва Филиппин доир мешавад
Дастаи мунтахаби Тоҷикистон дар Чемпионати Осиё оид ба ҷудо дар Чин иштирок мекунад
Дар Бадахшон беҳтаринҳо дар гӯштин, волейбол ва дави наврӯзӣ муайян гардиданд
Ғолибони Шоҳҷоизаҳои Мусобиқаи гӯштини миллӣ (гӯштингирӣ) дар деҳаи Пушинги ноҳияи Данғара муайян шуданд
35 медали паралимпичиёни тоҷик бахшида ба 35-солагии Истиқлоли давлатӣ дар Фестивали байналмилалӣ дар шаҳри Сочии Русия
МУСОБИҚАИ АСПДАВОНӢ. Ин бозии миллӣ аз ҷумлаи расму ойинҳои Наврӯз аст
Дастаи мунтахаби олимпии Тоҷикистон (U-23) аввалин пирӯзиашро дар мусобиқаи байналмилалӣ дар Ҳиндустон ба даст овард
Дастаи мунтахаби наврасони Тоҷикистон (U-17) бо дастаи Чин бозиҳои дӯстона анҷом дод
Мадина Қурбонзода ва Абубакр Шеров соҳиби шоҳҷоизаҳои Мусобиқаи гӯштини миллӣ (гӯштингирӣ) дар ноҳияи Данғара шуданд
Мутахассиси беларусӣ ба ситоди мураббиёни дастаи мунтахаби Тоҷикистон оид ба футбол ҳамроҳ шуд
