«БОЗТОБИ МАСЪАЛАҲОИ ОБ ДАР РАДИОИ «ХОВАР»». Бо ин унвон китоби Манижа Баҳромзода ба нашр расид
ДУШАНБЕ, 10.11.2024 /АМИТ «Ховар»/. Дар ҳошияи эътирофи ташаббусҳои ҷаҳонии Президенти Ҷумҳурии Тоҷикистон муҳтарам Эмомалӣ Раҳмон вобаста ба масъалаҳои обу иқлим ва ҳифзи пиряхҳо, хусусан ташаббуси панҷуми байналмилалии Тоҷикистон оид ба Соли байналмилалии ҳифзи пиряхҳо эълон намудани соли 2025 аз ҷониби Созмони Милали Муттаҳид нашриёти «Истеъдод» китоби муҳаррири Радиои FM «Ховар»-и АМИТ «Ховар» Манижа Баҳромзодаро таҳти унвони «Бозтоби масъалаҳои об дар Радиои «Ховар»» ба нашр расонид.
Тавре АМИТ «Ховар» хабар медиҳад, дар маҷмуа суҳбатҳои хабарнигори Радиои «Ховар» Манижа Баҳромзода бо коршиносони соҳаи экология, сиёсат, иқтисод ва намояндагони созмонҳои байналмилалӣ доир ба ташаббусҳои байналмилалии Тоҷикистон ва масъалаҳои экологӣ, ки солҳои 2020-2021 дар барномаи таҳлилии «Сарват»-и Радиои FM «Ховар»-и АМИТ «Ховар» пахш гардидаанд, гирдоварӣ шудаанд.
Китоб аз се бахш иборат буда, дар бахши якум масъалаҳои ҳамкории Тоҷикистон ва Созмони Милали Муттаҳид дар масоили обу иқлим, нақши ҳалкунандаи Тоҷикистон доир ба мушкилоти глобалии обу иқлими сайёра ва аҳамияти ташббусҳои ҷаҳонии Тоҷикистон дар баррасии ин мушкилот шарҳу тавзеҳ дода шудааст.
Бахши дуюми маҷмуа фарогири суҳбатҳои муҳаррири барномаи таҳлилии «Сарват»-и Радиои FM «Ховар»-и АМИТ «Ховар» бо коршиносони соҳа ва намояндагони сохторҳои марбута доир ба нақши Тоҷикистон дар ҳифзи пиряхҳо, вазъи пиряхҳои Тоҷикистон ва натиҷаи экспедитсияҳо, аҳамияти эълони соли 2025 ҳамчун Соли байналмилалии ҳифзи пиряхҳо мебошад.
Ҷанбаҳои гуногуни масъалаҳои марбут ба обу иқлим, аз ҷумла истифодаи мақсадноки об барои замин, об- ҳамчун омили рушди сайёҳӣ дар Тоҷикистон, нақши ниҳодҳои гуногуни илмиву пажуҳишӣ дар татбиқи сиёсати экологии мамлакат дар барномаи таҳлилии «Сарват»-и Радиои FM «Ховар»-и АМИТ «Ховар» дар бахши сеюми маҷмуа гирдоварӣ шудаанд.
Дар маҷмуъ, мундариҷаи ин маҷмуаро масъалаҳои обу иқлим ва ташаббусҳои ҷаҳонии Тоҷикистон доир ба ин масъалаҳо ташкил медиҳанд. Суҳбатҳои маҷмуа барои дарки моҳият ва аҳамияти ташаббусҳои глобалии Тоҷикистон марбут ба обу иқлим ва ҳифзи пиряхҳо, инчунин нақши Радиои FM «Ховар»-и АМИТ «Ховар» дар тарғиби ин ташаббусҳо аз аҳамият холӣ нестанд.
Китоб ба доираи васеи хонандагон тавсия дода мешавад.
Марзия САИДЗОДА,
АМИТ «Ховар»
АКС: АМИТ «Ховар»
РАВАНДИ ОБИ ДУШАНБЕ. Тоҷикистон барои пешбурди рӯзномаи ҷаҳонии об тамоми кӯшишҳоро ба харҷ медиҳад
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
Ташаббусҳои байналмилалӣ нуфузи Тоҷикистонро қавитар мегардонанд
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
ТАШАББУСҲОИ ТОҶИКИСТОН ДАР СОҲАИ ОБУ ИҚЛИМ. Аз соли 1940 то соли 2017 — дар ҳар даҳсола аз +0,1 то +0,2 дараҷа ҳарорати ҳаво баланд шудааст
Таъсиси Шурои миллии об дар Тоҷикистон қадами муҳим дар самти идоракунии устувори захираҳои об аст
РАВАНДИ ОБИ ДУШАНБЕ. Моҳи майи соли 2026 Душанбе мизбони Конфронси чоруми байналмилалии сатҳи баланд оид ба Даҳсолаи байналмилалии «Об барои рушди устувор» мегардад
МАЪРИФАТИ ҲУҚУҚӢ — ПОЯИ АДОЛАТ. Дар робита ба ташаббуси Тоҷикистон дар бораи «Соли байналмилалии маърифати ҳуқуқӣ, 2027»
«ҲИФЗИ ПИРЯХҲО ВА КРИОСФЕРА». Қабули ин қатънома қадами устувор дар масири мутобиқнамоии ноҳияҳои кӯҳсор ба гармшавии глобалии иқлим аст
Соли 2028 Душанбе мизбони Конфронси Созмони Милали Муттаҳид оид ба захираҳои об мегардад
Президенти Тоҷикистон соли 2025-ро соли дастовардҳои назаррас ва рӯйдодҳои муҳими таърихӣ номиданд
