Дар Боку бо ташаббуси ҷониби Тоҷикистон оид ба мониторинги криосфера ва ҳамкорӣ барои тақсимоти захираҳои обӣ чорабинии канорӣ доир шуд
ДУШАНБЕ, 21.11.2024 /АМИТ «Ховар»/. Таҳти унвони «Аз мониторинги криосфера то ҳамкорӣ барои тақсимоти захираҳои обӣ ва қабули қарорҳо» бо ташаббуси Вазорати энергетика ва захираҳои оби Ҷумҳурии Тоҷикистон ва Ҷамъияти ҳамкории байналмилалии Олмон (GIZ) дар шаҳри Бокуи Озарбойҷон дар ҳошияи Конфронси 29-уми ҷонибҳои Конвенсияи қолабии Созмони Милали Муттаҳид оид ба тағйирёбии иқлим чорабинии канорӣ баргузор шуд.
Тавре ба АМИТ «Ховар» дар Вазорати энергетика ва захираҳои об хабар доданд, ҳадафи асосии чорабинӣ муҳокимаи масъалаҳои мутобиқшавӣ ва коҳиш додани таъсири тағйирёбии иқлим ба криосфера ва таъсири он ба захираҳои обӣ буд.
Иштирокдорон таҳлили ҳамаҷонибаи нақши илм, технология ва ҳамкориро дар таҳияи стратегияҳои устувори идоракунии захираҳои обӣ пешкаш намуданд.
Дар ҷараёни муҳокимаҳо аҳамияти ташаббусҳои ҷаҳонии Тоҷикистон, ба монанди Даҳсолаи байналмилалии амал «Об барои рушди устувор» (2018-2028), Соли байналмилалии ҳифзи пиряхҳо – 2025 ва Даҳсолаи байналмилалии амал оид ба илмҳои криосфера (2025-2034) махсус таъкид карда шуд. Ин ташаббусҳо ба рушди ҳамкорӣ, мутобиқшавӣ ба тағйирёбии иқлим ва коҳиш додани таъсири он, инчунин пешбурди таҳқиқот дар соҳаи илмҳои криосфера мусоидат мекунанд.
Дар чорабинӣ Вазири энергетика ва захираҳои оби Ҷумҳурии Тоҷикистон, намояндаи Вазорати корҳои хориҷии Ҷумҳурии Тоҷикистон, сардори шуъбаи системаҳои гидрологӣ ва мутобиқшавӣ ба тағйирёбии иқлими ЮНЕСКО, директори шуъбаи кишоварзӣ, озуқаворӣ, табиат ва рушди деҳоти Бонки Рушди Осиё, роҳбари стратегӣ оид ба амалҳои минтақавӣ ва таблиғи глобалӣ дар ICIMOD, директори Институти масъалаҳои об, гидроэнергетика ва экологияи Академияи миллии илмҳои Тоҷикистон сухан намуданд.
АКС: Вазорати энергетика ва захираҳои оби Ҷумҳурии Тоҷикистон
«ITB Berlin 2026». Дар доираи намоишгоҳ ширкатҳои сайёҳии Тоҷикистон беш аз 20 шартномаи ҳамкорӣ ба имзо расониданд
Дар минтақаи ҷангалпарварии ноҳияи Рӯдакӣ зиёда аз 30 ҳазор бех ниҳол шинонида шуд
Дар водиҳои Тоҷикистон кишти картошка идома дорад
Дар шоҳроҳи Роғун — Нуробод зиёда аз 900 бех ниҳоли олуча ва дарахтони сояафкан шинонида шуд
«Стратегияи рушди саноат дар Ҷумҳурии Тоҷикистон барои давраи то соли 2030» мавриди амал қарор дорад
НИСОИ БУЛУНКӮЛ. Муаррифии фаъолияти зане, ки роҳбарии Истгоҳи ҳавосанҷииро дар ноҳияи Мурғоб бар уҳда дорад
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
