Дар Душанбе масъалаи баргузории намоишгоҳҳо байни Тоҷикистон ва Молдова баррасӣ гардид

Ноябрь 13, 2024 17:40

ДУШАНБЕ, 13.11.2024 /АМИТ «Ховар»/. Имрӯз бо мусоидати Сафорати Ҷумҳурии Тоҷикистон дар Молдова бо қароргоҳ дар Киев байни роҳбарияти Палатаи савдо ва саноати Ҷумҳурии Тоҷикистон ва Палатаи савдо ва саноати Ҷумҳурии Молдова вохӯрии маҷозӣ баргузор гардид, ки зимни он масъалаи баргузории намоишгоҳҳои дуҷониба мавриди баррасӣ қарор дода шуд. Дар ин хусус АМИТ «Ховар» бо истинод ба Палатаи савдо ва саноати мамлакат хабар медиҳад.

Дар мулоқот Сафири Фавқулода ва Мухтори Ҷумҳурии Тоҷикистон дар Молдова бо қароргоҳ дар Киев Давлаталӣ Назризода, Раиси Палатаи савдо ва саноати Ҷумҳурии Тоҷикистон Ҷамшед Ҷумъахонзода, Президенти Палатаи савдо ва саноати Ҷумҳурии Молдова Сергей Харя ва дигар шахсони расмӣ аз ҳарду ҷониб иштирок ва сухан намуданд.

Дар вохӯрии маҷозӣ масъалаҳои тақвияти ҳамкории дуҷониба байни Тоҷикистон ва Молдова дар соҳаҳои иқтисод, тиҷорат ва сармоягузорӣ муҳокима шуданд.

Зимни мулоқот ҷонибҳо ба мувофиқа расиданд, ки ояндаи наздик созишномаи нави ҳамкорӣ байни Палатаи савдо ва саноати Ҷумҳурии Тоҷикистон ва Палатаи савдо ва саноати Молдова ба имзо расонида шавад. Ҳамзамон тибқи ин созишнома барои ширкатҳои ҳарду давлат бобати иштирок дар намоишгоҳҳои дар қаламрави Ҷумҳурии Тоҷикистон ва Ҷумҳурии Молдова баргузоршаванда шароити имтиёзнок фароҳам оварда шавад.

Дар вохӯрӣ инчунин баргузор намудани мулоқотҳои маҷозӣ дар қолаби «соҳибкор бо соҳибкор» (B2B) байни соҳибкорони ду давлат бо мақсади тавсеаи робитаҳои тиҷоратӣ ва муайян намудани самтҳои нави ҳамкорӣ ба нақша гирифта шуд.

АКС: Палатаи савдо ва саноати Ҷумҳурии Тоҷикистон

 

Ноябрь 13, 2024 17:40

Хабарҳои дигари ин бахш

Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид