Дар Душанбе олимпиадаи ҷумҳуриявӣ байни донишҷӯёни муассисаҳои таҳсилоти миёнаи касбӣ ҷамъбаст шуд
ДУШАНБЕ, 13.11.2024 /АМИТ «Ховар»/. 12 ноябр дар Коллеҷи технологии шаҳри Душанбе ба ғолибони даври ниҳоии олимпиадаи ҷумҳуриявии донишҷӯёни муассисаҳои таҳсилоти миёнаи касбии ҷумҳурӣ аз фанҳои таълимии физика, химия, биология, математика ва технологияи иттилоотӣ ҷоиза супорида шуд.
Тавре ба АМИТ «Ховар» дар Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон хабар доданд, даври якуми олимпиада аз 1 то 15 октябр дар шаҳру ноҳияҳои ҷумҳурӣ бо иштироки беш аз 2000 донишҷӯ баргузор шуда, ба даври ниҳоӣ 355 нафар роҳ ёфт.
Дар даври ниҳоӣ, ки 11 ноябр баргузор шуд, аз 355 нафар иштирокчӣ беҳтаринҳо сазовори ҷойҳои 1, 2 ва 3 гардиданд. Ба ғолибон Ҷом, Диплом ва туҳфаҳои хотиравӣ тақдим шуданд.
Ҳамзамон онҳое, ки холи нисбатан баландтар доштанд, бо «Ифтихорнома»-и Кумитаи тадорукот сарфароз дониста шуданд.
Аз рӯи натиҷагирии шумораи бештари ҷоизадорон дастаи олимпии Коллеҷи технологӣ-фарматсевтии Тоҷикистон сазовори ҷойи якум, Коллеҷи тиббии ҷумҳуриявӣ соҳиби ҷойи дуюм ва Коллеҷи тиббии шаҳри Бохтар ғолиби ҷойи сеюм эълон шуданд. Ҳамзамон роҳбарони якчанд муассиса барои саҳм гузоштан дар ташкил ва баргузории олимпиада бо Сипосномаи Кумита қадрдонӣ шуданд.
Бояд гуфт, ки олимпиада ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» эълон шудани солҳои 2020-2040 ва дарёфти «Ҷоми Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон» бахшида шуд. Мақсади он рушди тафаккури техникӣ, тарғиби ҷаҳонбинии илмӣ, тавсеаи ихтироъкорию навоварӣ, ҳамгироии илм бо истеҳсолот ва ҷалби бештари донишҷӯён ба омӯзиши фанҳои табиӣ, дақиқ ва риёзӣ мебошад.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
Сатҳи татбиқи технологияҳои иттилоотӣ дар муассисаҳои миёнаи умумии вилояти Хатлон таҳлил карда мешавад
Дар Донишгоҳи давлатии омӯзгории Тоҷикистон оид ба беҳтар намудани таълими забони русӣ конференсия доир шуд
Дар Донишгоҳи давлатии омӯзгории Тоҷикистон Маркази омӯзиши забони кореягӣ ифтитоҳ меёбад
Бахшида ба Рӯзи ҷаҳонии футбол байни кормандони соҳаи маорифи шаҳри Душанбе мусобиқаи футболи хурд идома дорад
Дар муассисаҳои таҳсилоти олии касбии Чин зиёда аз 5000 донишҷӯи тоҷик таҳсил менамоянд
Дар Донишгоҳи давлатии ҳуқуқ, бизнес ва сиёсати Тоҷикистон масъалаи истифодаи усулҳои нави таълими забонҳои хориҷӣ баррасӣ шуд
Донишгоҳи байналмилалии забонҳои хориҷии Тоҷикистон хатмкунандагонро ба муассисаҳои таълимӣ равона намуд
Беш аз 200 нафар донишҷӯён ва магистрантон соҳиби Стипендияи Раиси вилояти Суғд шуданд
Хонандагони тоҷик дар Олимпиадаи байналмилалии «Al-Khwarazmi» сазовори 12 ҷойи ифтихорӣ гардиданд
Нахустин нишасти вазирони маорифи давлатҳои Осиёи Марказӣ баргузор гардид
Донишҷӯи Коллеҷи омӯзгории шаҳри Турсунзода дар олимпиадаи байналмилалии «Англисони ҷавон» ҷойи сеюмро соҳиб гардид
Иштирокчӣ аз Тоҷикистон дар Фестивал-озмуни байналмилалии эҷодиёти кӯдакон ва ҷавонон соҳиби ду Шоҳҷоиза шуд
