Дар шаҳри Ваҳдат 52 ҳолати вайронкунии қонуни танзим ошкор карда шуд
ВАҲДАТ, 04.10.2024 /АМИТ «Ховар»/. Дар шаҳри Ваҳдат то имрӯз вобаста ба риоя нагардидани талаботи Қонуни Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон» 52 ҳолати вайронкунии қонун ошкор гардида, барои андешидани тадбир ба Суди шаҳри Ваҳдат пешниҳод карда шуд. Дар ин хусус мудири бахши танзими ҷашну маросими шаҳри Ваҳдат Сулаймон Наҷмуддинов ба хабарнигори АМИТ «Ховар» иттилоъ дод.
Вайронкунии қонуни танзимро комиссияҳои доимии Мақомоти иҷроияи ҳокимияти давлатии шаҳри Ваҳдат дар ҷамоатҳои шаҳраку деҳот дар якҷоягӣ бо кормандони шуъбаи Вазорати корҳои дохилии Ҷумҳурии Тоҷикистон дар шаҳри Ваҳдат ва кормандони Прокуратураи шаҳр ошкор намудаанд.
Дар шаҳри Ваҳдат беш аз 3200 маърака сабт шудааст, ки 3000 адади он тӯйи домодию арӯсӣ мебошад. Камиссияҳои доимамалкунандаи ҷамоатҳои шаҳраку деҳоти шаҳри Ваҳдат санҷиш ва корҳои фаҳмондадиҳӣ гузаронида, пеши роҳи вайронкунии қонуни танзимро дар зиёда аз 200 тӯю маърака гирифтанд.
Дар шаҳри Ваҳдат гурӯҳҳои кории тарғиботӣ ташкил гардидаанд, ки мунтазам барои амалӣ гардонидани Қонуни Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон» дар ҷамоатҳои шаҳраку деҳоти шаҳр корҳои фаҳмондадиҳӣ мегузаронанд. Ҳамчунин бо ташаббуси масъулини бахши танзими ҷашну маросим дар шаҳри Ваҳдат барои пешгирии ҳамроҳ нагардидани ҷавонон ба гурӯҳҳои ифротию террористӣ ва истифодаи дурусти шабакаҳои иҷтимоӣ дар интернет дар 27 масҷиди ҷомеъ ва 163 масҷиди панҷвақта гӯшаҳои иттилоотӣ амал мекунанд.
Инчунин вобаста ба огоҳ намудани падару модарон ва ҷавонону наврасон аз сомонаҳои интернетии террористӣ зиёда аз ду ҳазор варақаи иттилоотии тарғиботӣ тақсим гардид.
АКС аз манбаъҳои боз
Дар Душанбе «Маҳфили ҷавононе, ки дар хориҷи кишвар таҳсил доранд» баргузор гардид
ШАҲОДАТНОМАИ ТАВАЛЛУД. Ҳар шахс дар мавриди бақайдгирии давлатии таваллуд ба насаб, ном ва номи падар ҳуқуқ дорад
НОМИ НАКӮ-НИСФИ ҲУСН. «Феҳристи номҳои миллии тоҷикӣ» мардуми моро бо ному насаби миллӣ ба оламиён муаррифӣ менамояд
«ҶОЙГОҲИ ЗАН-МОДАР ДАР ПЕШБУРДИ ОИЛА БЕНАЗИР АСТ». Дар Шаҳринав ҳамоиши фарҳангӣ-маърифатӣ доир гардид
Иштироки фаъолонаи ҷавонон дар раванди интихобот бозгӯи камолоти фарҳанги сиёсию ҳуқуқии онҳо аст
25 январ — Рӯзи кормандони соҳаи меҳнат ва ҳифзи иҷтимоии аҳолӣ
Дар Академияи миллии илмҳои Тоҷикистон дар мавзуи ҷашни Сада конференсияи илмӣ-амалӣ баргузор шуд
Бахшида ба Рӯзи кормандони соҳаи меҳнат ва ҳифзи иҷтимоии аҳолӣ ҳамоиш доир гардид
Дар назди Литсейи касбии техникии шаҳри Бохтар Маркази шуғли фосилавӣ ифтитоҳ гардид
Мақомоти корҳои дохилии Федератсияи Русия ба шаҳрвандони хориҷӣ барои дастрас намудани ҳуҷҷатҳои қонунии иқомат муҳлат додааст
Ҷаласаи 7-уми Кумитаи роҳбарикунандаи байниидоравӣ оид ба амалисозии лоиҳаи «Беҳтарсозии малакаҳои касбӣ ва имконияти боркортаъминшавӣ» доир гардид
Дар доираи «Лоиҳаи навсозии ҳифзи иҷтимоӣ ва ҳамгироии иқтисодӣ» соҳаи тандурустии Тоҷикистон пурра рақамӣ мегардад
