Дар Вилояти Мухтори Кӯҳистони Бадахшон Рӯзи милитсияи тоҷик таҷлил карда шуд
ДУШАНБЕ, 09.11.2024. /АМИТ «Ховар»/. Бахшида ба Рӯзи милитсияи тоҷик (10 ноябр) дар Вилояти Мухтори Кӯҳистони Бадахшон ҳамоиши тантанавӣ баргузор гардид. Дар ин хусус ба АМИТ «Ховар» дар мақомоти иҷроияи ҳокимияти давлатии ин вилоят хабар доданд.
Дар ҳамоиш иброз шуд, ки аз рӯзи таъсиси милитсияи тоҷик кормандони ин ниҳод дар сафи пеши мубориза барои таъмини тартиботи ҷамъиятӣ ва ҳифзи ҳуқуқу озодиҳои шаҳрвандон истода, кори ин ниҳоди муҳими давлатдориро садоқатмандона идома медиҳанд.
Таърих гувоҳ аст, ки кормандони милитсияи тоҷик дар ҳама муборизаҳо, алалхусус дар раванди барпо намудани сохти конститутсионии Ҷумҳурии Тоҷикистон, таъмини сулҳ ва таҳкими истиқлоли давлатӣ саҳми арзанда гузоштаанд.
«Бо соҳибистиқлолии Тоҷикистон дар таърихи миллати тоҷик саҳифаҳои навину дурахшон оғоз гардиданд, ки дар он мардонагиву далерӣ, шуҷоатмандӣ, ҷонбозиву корнамоиҳо ва садоқат ба касбу савганди кормандони ин ниҳоди қудратӣ сабт гардидааст»,-иброз шуд дар ҳамоиш.
Бо дастгирӣ ва ғамхориҳои Ҳукумати Ҷумҳурии Тоҷикистон, хусусан Пешвои миллат муҳтарам Эмомалӣ Раҳмон мақомоти милитсияи вилоят, аз ҷумла Раёсати Вазорати корҳои дохилӣ дар Вилояти Мухтори Кӯҳистон Бадахшон бо тамоми лавозимоти хизматӣ- бинову иншооти замонавӣ, мошинҳо ва дигар инфрасохтори зарурӣ таъмин гардиданд.
Дар анҷоми ҳамоиш ба собиқадорон ва кормандони фаъоли корҳои дохилӣ дар вилоят Ифтихорнома ва туҳфаҳои хотиравӣ тақдим гардид.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
БА ИСТИҚБОЛИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН. Миллати тоҷбарсар ва Сарвари тамаддунофар
ПЕШВОИ МИЛЛАТ — ПУШТИБОНУ ҒАМХОРИ ЯТИМОН. Мулоҳизаҳо дар ин маврид
«Нозирони навраси ҳаракат»-и Тоҷикистон дар озмуни байналмилалӣ соҳиби ҷойи якум гардиданд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
