Истифодаи оқилонаи барқ қадами устувор барои рушди иқтисоди давлат аст
ДУШАНБЕ, 10.11.2024 /АМИТ «Ховар»/. Дар кишварҳои мутараққии ҷаҳон, аз қабили Ҷопон сарфаи энергия ва истифодаи оқилонаи он ба сатҳи идеяи миллӣ бароварда шудааст. Чунин гуфта шуд дар машваратҳои омӯзишие, ки таҳти унвони «Истифодаи оқилонаи энергия – қадами нахуст барои ояндаи устувор. Таҳаввулотро аз худ бояд оғоз кард!» бо ҷалби коршиносон дар Коллеҷи муҳандисию омӯзгории шаҳри Душанбе ва Литсейи касбии техникии сохтмони шаҳри Кӯлоб баргузор гардиданд.
Дар ин хусус АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон иттилоъ медиҳад.
Машваратҳои омӯзишӣ бо ибтикори Вазорати энергетика ва захираҳои оби Ҷумҳурии Тоҷикистон дар ҳамкорӣ бо Агентии Ҷопон оид ба ҳамкории байналмилалӣ бо мақсади дар сатҳи зарурӣ гузаронидани корҳои тарғиботӣ дар самти сарфакорона истифода бурдани неруи барқ ва ба одати маъмулии ҷомеа табдил додани он доир шуданд.
Дар машваратҳои омӯзишӣ кормандони Вазорати энергетика ва зихираҳои об ва Ҷамъияти саҳомии кушодаи «Системаавтоматик» дар мавзуъҳои «Асосҳои техникию иқтисодии неругоҳҳои электрикии офтобии бомҳо дар Тоҷикистон», «Сарфаҷӯии энергия», «Ҳолат ва дурнамои энергияи барқароршаванда дар Тоҷикистон. Таҷрибаи Ҷопон дар самти сарфаҷӯии энергия», «Истифодаи оқилонаи энергия. Таҳаввулотро аз худ бояд оғоз кард!», «Сарфаҷӯии неруи барқ», инчунин оид ба истифодаи оқилонаи энергия, маърифати истифодаи энергия ва нақши соҳаи энергетика дар рушди иқтисодиёти Ҷумҳурии Тоҷикистон маъруза намуданд.
Инчунин ба иштирокдорони машваратҳои омӯзишӣ барои пеш бурдани корҳои тарғиботӣ дар байни оила ва сокинони маҳалла оид ба истифодаи оқилонаи неруи барқ маводи таълимӣ ва методӣ тақсим гардид. Таъкид шуд, ки имрӯз сарфаҷӯии энергия ба ҷузъи ҷудонашавандаи ҳаёти ҷомеаи мутамаддин табдил ёфтааст.
Дар доираи машваратҳои омӯзишӣ ба муассисаҳои таълимӣ барои анҷом додани корҳои амалӣ таҷҳизоти барқии офтобӣ, ба монанди лампаҳои офтобӣ барои роҳравҳо тақдим гардид.
АКС: Вазорати энергетика ва захираҳои оби Ҷумҳурии Тоҷикистон
Дар Тоҷикистон ҳаҷми истеҳсоли қолин афзоиш ёфтааст
Таҳкими ҳамкории дуҷониба дар бахшҳои саноат ва воридоти технологияҳои нав бо намояндагони BVMW баррасӣ гардид
Бонки Осиёии рушд омодагияшро барои ҷудо намудани 500 миллион доллар барои сохтмони неругоҳи «Роғун» тасдиқ намуд
Ҳамкории Тоҷикистон ва Бонки аврупоии таҷдид ва рушд дар соҳаи алоқа густариш меёбад
Таъсиси Маркази тиҷоратии Тоҷикистону Эрон ва Маркази фанноварӣ ва инноватсионии рақамӣ дар Душанбе баррасӣ шуд
Ҷаласаи нахустини ҳамоҳангсозии Ҷумҳурии Тоҷикистон ва Корея баргузор гардид
HUKUMAT.TJ. Тамоми сомонаҳои расмии мақомоти давлатии Тоҷикистон ба ин платформаи рақамӣ гузаронида мешаванд
Оё кишоварзони Тоҷикистон аҳолиро бо картошкаи ватанӣ пурра таъмин карда метавонанд?
Дар Шероз Протоколи ҷаласаи 17-уми Комиссияи муштараки Тоҷикистон ва Эрон ба имзо расид
Масъалаҳои ҷалби сармояи Британияи Кабир ба Тоҷикистон баррасӣ шуданд
Ҳамкорӣ дар самти рушди технологияҳои инноватсионӣ бо Дафтари Швейтсария оид ба рушд дар Тоҷикистон тақвият меёбад
Бо иштироки ҷавонони волонтёри гуногунихтисос ҳамоиши ҷавонон баргузор гардид
