Корҳои анҷомдодаи Тоҷикистон барои омодагӣ ба Конфронси пиряхҳо дар мулоқоти Гурӯҳи Аврупои Шарқӣ ва Осиёи Марказӣ бо Дабири кулли СММ баррасӣ шуданд
ДУШАНБЕ, 07.11.2024 /АМИТ «Ховар»/. Дар доираи Конфронси 16-уми ҷонибҳои Созмони Милали Муттаҳид дар Колумбия мулоқоти машваратии гурӯҳҳои минтақавии Аврупои Шарқӣ ва Осиёи Марказӣ бо Дабири кулли Созмони Милали Муттаҳид Антониу Гутерриш баргузор гардид, иттилоъ медиҳад АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон.
Дар мулоқот Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода ба таваҷҷуҳи Созмони Милали Муттаҳид оид ба корҳое, ки дар Ҷумҳурии Тоҷикистон барои омодагӣ ба Конфронси пиряхҳо дар шаҳри Душанбе (соли 2025) анҷом дода шудаанд, маълумот пешниҳод намуд.
Дар мулоқот ба нақши пешбари Ҷумҳурии Тоҷикистон дар доираи ташаббусҳои обу иқлим, хосса ташаббусҳои Президенти Ҷумҳурии Тоҷикистон муҳтарам Эмомалӣ Раҳмон баҳои баланд дода шуда, аҳамият ва саривақтии масъалаҳои мавриди назар махсусан таъкид гардид.
Дар мулоқот намояндагон аз минтақаи Аврупои Шарқӣ ва Осиёи Марказӣ аҳамияти ҳамкорӣ дар заминаи гуногунии биологиро низ баррасӣ карданд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон.
Дар шаҳри Гулистон беш аз 50 корхонаи саноатӣ фаъолият менамояд
Садои тоза ва интернети босуръат: муштариён VoLTE-ро интихоб мекунанд
Дар шаҳри Душанбе муколамаи G10 Insight Forum 2026 оғоз гардид
Дар доираи Форуми соҳибкории «Тоҷикистон ба пеш!» 23 Созишномаи ҳамкорӣ ба имзо расид
Имрӯз дар Тоҷикистон ҳавои бебориш дар назар аст
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
