Масъалаи ҳамкории Институти Гёте бо Китобхонаи миллии Тоҷикистон баррасӣ гардид
ДУШАНБЕ, 09.11.2024. /АМИТ «Ховар»/. Масъалаи ташкили ҳамкорӣ ва ба имзо расонидани Ёддошти тафоҳум байни Институти Гёте ва Китобхонаи миллии Тоҷикистон дар вохӯрии Директори Китобхонаи миллӣ Ҷумахон Файзализода ва муовини Сафири Ҷумҳурии Федеративии Олмон дар Ҷумҳурии Тоҷикистон Мартин Лангер баррасӣ гардид. Дар ин хусус ба АМИТ «Ховар» дар ин китобхона хабар доданд.
Мартин Лангер иброз дошт, ки барои ташкил ва тақвияти ҳамкорӣ дар нақша аст, ки намояндаи Вазорати федеролии корҳои хориҷӣ оид ба Аврупои Шарқӣ, Қафқоз ва Осиёи Марказӣ Конрад Ҳелмут Артс фон Штраусенбург давоми моҳи ноябр ба Китобхонаи миллӣ омада, зимни мулоқот Ёддошти тафоҳуми ҳамкорӣ ба имзо расад.
Ҳамкории Институти Гёте бо Китобхонаи миллӣ дар бахши китобдорӣ, табодули илмии кормандон, ҷалби онҳо ба хориҷи давлат, аз ҷумла ба Олмон, омода намудани мутахассисон дар самти китобу китобдорӣ ва дар амал татбиқ намудани илмҳои омӯхтаашон аз манфиат холӣ нахоҳад буд.
Ёдовар мешавем, ки Институти Гёте ки ба номи шоири маъруфи Олмон Ёҳан Волфган Гёте гузошта шудааст, созмоне аст, ки вазифаи он густариши забон ва фарҳанги олмонӣ дар берун аз марзҳои ин давлат мебошад. Аз 157 маркази ин муассиса 12 адади он дар дохили Олмон ва 145 марказ дар хориҷ аз Олмон қарор дорад. Дар доираи фаъолияти педагогӣ ин ташкилоти бонуфуз инчунин барои давом додани омӯзиши забони олмонӣ маводи бешуморе барои донишомӯзон пешниҳод мекунад.
Муовини Сафири Олмон дар Тоҷикистон Мартин Лангер ҳамзамон гӯшаи давлатҳои ҷаҳонро дар шуъбаи адабиёти хориҷӣ тамошо намуда, бо гӯшаи Ҷумҳурии Федеративии Олмон ва китобҳо ба забони олмонӣ шинос шуд.
АКС: Китобхонаи миллии Тоҷикистон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
Дар Душанбе Рӯзҳои синамои Қирғизистон доир мегарданд
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
ЗАБОН ВА 35 СОЛИ ИСТИҚЛОЛ. Бахшида ба Рӯзи забони давлатӣ конференсияи илмӣ-амалии ҷумҳуриявӣ доир шуд
Барои Сарвазири Тотористон ва ҳамроҳонаш сайри осорхонавӣ ташкил гардид
Вазирони корҳои дохилии ИДМ аз Осорхонаи миллии Тоҷикистон боздид намуданд
Ҳайати Донишкадаи давлатии фарҳанг ва санъати Тоҷикистон дар Фестивали байналмилалии донишҷӯёни ИДМ иштирок намуд
ҲАМДИЛӢ АЗ ҲАМЗАБОНӢ БЕҲТАР АСТ. Эҳдо ба Рӯзи бузургдошти Мавлоно Ҷалолиддини Балхӣ
Дар Осорхонаи миллии Тоҷикистон оид ба дастовардҳои Истиқлоли давлатӣ ҳамоиш доир гардид
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
