Сафири Тоҷикистон бо Раиси Палатаи савдо ва саноати Абузабӣ мулоқот намуд

ДУШАНБЕ, 20.11.2024 /АМИТ «Ховар»/. 14 ноябр Сафири Фавқулода ва Мухтори Ҷумҳурии Тоҷикистон дар Амороти Муттаҳидаи Араб Ашрафҷон Гулов бо Раиси Палатаи савдо ва саноати Абузабӣ, ҳамзамон Раиси Департаменти рушди иқтисоди Абузабӣ Аҳмад Ҷoсим аз-Заъабӣ мулоқот намуд. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Амороти Муттаҳидаи Араб хабар медиҳад.

Дар вохӯрӣ ҷонибҳо зарурати афзоиши ҳаҷми табодули тиҷоратӣ байни Тоҷикистон ва Аморотро таъкид намуданд.

Ҷонибҳо мутаносибан масъалаҳои таҳкими ҳамкории мақомоти ваколатдор, тавсеаи заминаҳои шартномавию ҳуқуқӣ, ҷалби сармоя ба татбиқи лоиҳаҳои иқтисодӣ, баргузории форумҳои муштараки соҳибкорӣ, ташкили намоишгоҳҳои маҳсулот, танзими сафарҳои ҳайатҳо ба кишварҳои ҳамдигар барои иштирок дар чорабиниҳои соҳавии байналмилалӣ ва дигар мавзуъҳои эҳтимоми муштаракро мавриди баррасӣ қарор доданд.

АКС: Сафорати Ҷумҳурии Тоҷикистон дар Амороти Муттаҳидаи Араб