1500 нафар ҷавонони синни даъватии вилояти Суғд даври омӯзишии ронандагиро хатм намуданд
ДУШАНБЕ, 17.12.2024 /АМИТ «Ховар»/. Бо дастгирии Вазорати мудофиаи Тоҷикистон, Мақомоти иҷроияи ҳокимияти давлатии вилояти Суғд ва шаҳру ноҳияҳо зиёда аз 1500 нафар ҷавонони синни даъватӣ даври омӯзишии ронандагиро дар Ташкилоти ҷамъиятии мададгори мудофиа ба итмом расонида, бо гирифтани шаҳодатномаи ронандагӣ ба сафи Қувваҳои мусаллаҳи Тоҷикистон пайвастанд. Дар ин хусус зимни баргузории ҷаласаи корӣ оид ба натиҷагирии даъвати тирамоҳии ҷавонон ба сафи Қувваҳои мусаллаҳи Ҷумҳурии Тоҷикистон иттилоъ дода шуд.
Таъкид гардид, ки бо таваҷҷуҳ ва дастгириҳои доимии Сарфармондеҳи Олии Қувваҳои мусаллаҳи Ҷумҳурии Тоҷикистон, Пешвои миллат муҳтарам Эмомалӣ Раҳмон дар қисмҳои низомии мамлакат барои адои хизмати ҳарбӣ шароити зарурӣ фароҳам оварда шудааст. Ҷавонони бонангу номус ҳамасола ба таври ихтиёрӣ барои иҷрои қарзи фарзандию шаҳрвандӣ изҳори омодагӣ менамоянд.
Вобаста ба натиҷаи даъвати тирамоҳӣ гуфта шуд, ки барои таъмини иҷрои фармони Президенти Ҷумҳурии Тоҷикистон аз 1 октябр ҷалби ҷавонон ба сафи Артиши миллӣ дар сатҳи баланд доир шуд. Дар натиҷаи корбарии дурусти масъулин 15 ноябр нақшаи даъват пеш аз муҳлат таъмин гардид.
Зимни ҷаласа ҳамзамон даъвати тирамоҳии ҷавонон ба хизмати ҳарбӣ натиҷагирӣ шуда, барои пурзӯр намудани фаъолияти комиссияҳои даъватӣ ва дар сатҳи баланд ташкил кардани даъвати баҳорӣ ба масъулин супоришҳо дода шуд.
АКС: Хадамоти матбуоти Раиси вилояти Суғд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
