Бахтовар Сафарзода: «Муносибати Тоҷикистон ва Беларус дар сатҳи баланди боварӣ ва дӯстии дуҷониба қарор дорад»
ДУШАНБЕ, 18.12.2024 /АМИТ «Ховар»/. «Тоҷикистон ва Беларус сатҳи баланди эътимод, дӯстӣ ва хоҳиши амиқтар кардани ҳамкориро идома медиҳанд», — иброз намуд дар мусоҳиба бо агентии иттилоотии БЕЛТА Сафири Фавқулода ва Мухтори Ҷумҳурии Тоҷикистон дар Ҷумҳурии Беларус, Намояндаи доимии Тоҷикистон дар назди мақомоти оинномавӣ ва дигар мақомоти Иттиҳоди Давлатҳои Мустақил Бахтовар Сафарзода.
Ба андешаи ӯ, ин муносибатҳо ба ҳавасмандии муштараки равобити дуҷониба, дастгирии арзишҳои анъанавӣ ва кӯшиш барои рушди муштарак асос ёфтаанд.
«Натиҷаҳои соли 2024 далели шарикии стратегӣ байни давлатҳоямон гардиданд», — таъкид намуд Бахтовар Сафарзода.
Дар мусоҳиба таваҷҷуҳи хосса ба раёсати дарпешистодаи Тоҷикистон дар Иттиҳоди Давлатҳои Мустақил дар соли 2025 дода шуд. Дар байни афзалияти калидӣ- мукаммалнамоии кори Иттиҳоди Давлатҳои Мустақил, таҳкими ҳамгироии иқтисодӣ, рушди ҳамкории башардӯстона, ки дар доираи он таҷлили 80-солагии Ғалаба, пешбурди рӯзномаи иқлим ва суръат бахшидан ба тасдиқи ҳуҷҷатҳои марбут ба муҳоҷирати меҳнатӣ мақоми махсус доранд, мавҷуд мебошанд. Сафир изҳори боварӣ намуд, ки Тоҷикистон метавонад дар рушди Иттиҳод саҳми арзанда гузорад.
Соли 2025 Соли байналмилалии ҳифзи пиряхҳо эълон шудааст. Дар ҷараёни ҷаласаи Шурои сарони давлатҳо дар соли 2025 ба қабули изҳороти роҳбарони давлатҳо дар самти ҳифзи пиряхҳо иқдом карда мешавад.
Бояд гуфт, ки ташаббуси Президенти Ҷумҳурии Тоҷикистон оид ба ҳифзи пиряхҳо ба майдони муҳими муколамаи байналмилалӣ табдил ёфт. «Мо боварӣ дорем, ки кишварҳои аъзои Иттиҳоди Давлатҳои Мустақил, аз ҷумла кишвари ба мо дӯст- Беларус дар Конфронси байналмилалии сатҳи баланд оид ба ҳифзи пиряхҳо, ки моҳи майи соли 2025 дар Душанбе баргузор мешавад, дар сатҳи баланд иштирок хоҳанд кард», — гуфт Бахтовар Сафарзода.
Ҳамзамон иброз гардид, ки раёсати Тоҷикистон дар Иттиҳоди Давлатҳои Мустақил ба таҳкими нақши Иттиҳод ҳамчун платформаи муассири ҳамкории бисёрҷониба, мусоидат ба муколамаи созанда байни кишварҳои аъзо, рушди ҳамгироии иқтисодӣ ва дастгирии ҳамкории фарҳангию гуманитарӣ равона мегардад.
Маълумоти бештарро дар бораи рушди муносибатҳои дуҷониба метавонед дар сомонаи БЕЛТА пайдо намоед.
Акс: АИ БЕЛТА
Сафири Тоҷикистон ба Президенти Австрия эътимоднома супорид
Намояндаи доимии Тоҷикистон бо иҷрокунандаи вазифаи директори генералии дафтари СММ дар Вена мулоқот намуд
РАВАНДИ ОБИ ДУШАНБЕ. Тоҷикистон барои пешбурди рӯзномаи ҷаҳонии об тамоми кӯшишҳоро ба харҷ медиҳад
Мудири Барномаи рушди Созмони Милали Муттаҳид ба Конфронси 4-уми оби Душанбе даъват шуд
Дар Ню-Йорк нақши ташаббусҳои Тоҷикистон дар платформаҳои сиёсии ҷаҳонӣ баррасӣ гардид
Сафири Тоҷикистон бо муовини Вазири корҳои хориҷии Миср мулоқот намуд
Муовини Сарвазири Тоҷикистон дар Форуми ҷаҳонии парасторон дар шаҳри Мадрид иштирок намуд
Дар Душанбе рушди муносибатҳои дуҷонибаи Тоҷикистону Чин баррасӣ гардид
Намояндаи Тоҷикистон бо Раиси Шурои иқтисодӣ ва иҷтимоии Созмони Милали Муттаҳид мулоқот намуд
Дар Душанбе ҷаласаи Комиссияи миллии Ҷумҳурии Тоҷикистон оид ба корҳои ЮНЕСКО баргузор гардид
Масъалаҳои афзалиятноки ҳамкории Тоҷикистону Олмон дар соҳаи иқтисод баррасӣ гардиданд
Дар Анқара рушди ҳамкории иқтисодию тиҷоратии Тоҷикистон ва Туркия баррасӣ гардид
