Барои татбиқи лоиҳаи «Маблағгузории устувор барои НБО-и «Роғун» созишномаи молиявӣ ба имзо расид
ДУШАНБЕ, 19.12.2024 /АМИТ «Ховар»/. Байни Ҷумҳурии Тоҷикистон ва Ассотсиатсияи байналмилалии рушд барои татбиқи лоиҳаи «Маблағгузории устувор барои Неругоҳи барқи обии «Роғун» бо маблағи грантӣ дар ҳаҷми 350 миллион доллари амрикоӣ созишномаи молиявӣ ба имзо расид.
Тавре АМИТ «Ховар» бо истинод ба Вазорати молияи ҷумҳурӣ хабар медиҳад, созишнома имрӯз аз ҷониби Вазири молияи Тоҷикистон Файзиддин Қаҳҳорзода ва Намояндаи доимии Гурӯҳи Бонки ҷаҳонӣ Озан Севимлӣ ба имзо расонида шуд.
Ҳаҷми маблағгузорӣ, ки аз ҷониби Ассотсиатсияи байналмилалии рушд пешниҳод мегардад, 650 миллион доллари амрикоиро ташкил дода, дар 2 марҳила тавассути созишномаҳои алоҳида ҷудо мегардад.
Ҳадафи лоиҳа таҳкими истиқлолияти энергетикии Ҷумҳурии Тоҷикистон ва мусоидат ба рушди устувори иқтисодӣ мебошад. Он ба таъмини дастрасӣ ба неруи барқи боэътимоду барқароршаванда, қонеъ кардани талаботи афзояндаи дохилӣ ва фароҳам овардани шароит барои тавсеаи иқтидори содиротии энергияи «сабз» дар миқёси минтақавӣ заминаи устувор мегузорад.
АКС: Вазорати молияи Ҷумҳурии Тоҷикистон
Бахшида ба Рӯзи таъсиси мақомоти гумрук дар Душанбе маҷлиси тантанавӣ баргузор гардид
Ширкати «ACWA Power» дар доираи татбиқи тарҳи энергетикӣ дар Тоҷикистон неругоҳи офтобӣ месозад
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
НЕРУГОҲИ «РОҒУН» — ТАМАДДУНИ ЗЕРИЗАМИНӢ. Андешаҳо дар бораи азамати ин иншооти аср
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
