Дар Форуми шаҳрии Осиёи Марказӣ-Пусан гӯшаи Тоҷикистон ташкил гардид
ДУШАНБЕ, 14.12.2024 /АМИТ «Ховар»/. 13 декабр дар шаҳри Пусан Форуми шаҳрии Осиёи Марказӣ-Пусан баргузор гардид, ки дар он гӯшаи Тоҷикистон ташкил карда шуд.
Тавре АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Корея хабар медиҳад, дар ин форум, ки барои таҳкими ҳамкории фарҳангӣ ва иқтисодии кишварҳои Осиёи Марказӣ ва Ҷумҳурии Кореяи Ҷанубӣ ташкил шуд, Тоҷикистон ба иштирокчиён гӯшаи фарҳангии махсус пешкаш намуд.
Дар гӯшаи фарҳангии Тоҷикистон китобҳо, намунаҳои ҳунарҳои дастӣ, ки симои фарҳанги байниминтақавии мамлакатро таҷассум мекунанд, намоиш дода шуданд. Ҳамчунин маводи таблиғотии сайёҳии Тоҷикистон, ки ҷозибаҳои табиӣ ва фарҳангии мамлакатро муаррифӣ мекунанд, ба иштирокчиён ва меҳмонон пешкаш гардид. Мақсади асосии ширкат дар форум ва пешниҳоди ин мавод шиносоии бештар бо фарҳанг ва имконияти сайёҳии Тоҷикистон буд, ки метавонад ба рушди ҳамкории байналмилалӣ ва ҷалби бештари сайёҳон ба ҷумҳурӣ мусоидат намояд.
Форуми шаҳрии Осиёи Марказӣ-Пусан платформаи муҳим барои муколама байни давлатҳо ва дарки имконияти нави ҳамкорӣ мебошад.
АКС: Сафорати Ҷумҳурии Тоҷикистон дар Ҷумҳурии Корея
Намояндаи доимии Тоҷикистон бо директори генералии Созмони рушди саноати СММ мулоқот намуд
Дар Москва ҷаласаи Шурои ҷамъиятии назди Сафорати Тоҷикистон дар Русия баргузор гардид
Сафири Тоҷикистон бо муовини раиси Шурои иҷроияи Ҳизби ҳокими Туркия мулоқот намуд
Сафири Ҷумҳурии Тоҷикистон бо ёвари Вазири тиҷорати Иёлоти Муттаҳидаи Амрико мулоқот намуд
Сафири Тоҷикистон бо Вазири савдо ва робитаҳои иқтисодии хориҷии Туркманистон мулоқот намуд
Сафири Тоҷикистон ба Президенти Австрия эътимоднома супорид
Намояндаи доимии Тоҷикистон бо иҷрокунандаи вазифаи директори генералии дафтари СММ дар Вена мулоқот намуд
РАВАНДИ ОБИ ДУШАНБЕ. Тоҷикистон барои пешбурди рӯзномаи ҷаҳонии об тамоми кӯшишҳоро ба харҷ медиҳад
Мудири Барномаи рушди Созмони Милали Муттаҳид ба Конфронси 4-уми оби Душанбе даъват шуд
Дар Ню-Йорк нақши ташаббусҳои Тоҷикистон дар платформаҳои сиёсии ҷаҳонӣ баррасӣ гардид
Сафири Тоҷикистон бо муовини Вазири корҳои хориҷии Миср мулоқот намуд
Муовини Сарвазири Тоҷикистон дар Форуми ҷаҳонии парасторон дар шаҳри Мадрид иштирок намуд
