Кишоварзони ноҳияи Лахш беш аз 75 ҳазор тонна картошкаи хушсифат истеҳсол намуданд
ЛАХШ, 01.12.2024. /АМИТ «Ховар»/. Кишоварзони ноҳияи Лахш соли 2024 дар майдони 8246 гектар зироати кишоварзӣ кишт намуданд, ки аз ин 1359 гектар зироати ғалладонагӣ, 21 гектар зироати техникӣ, 111 гектар сабзавот ва 5457 гектар картошка мебошад. Дар натиҷаи дуруст гузаронидани кишти картошкаю дигар зироат ва дар муҳлати муқарраргардида бо оби полезӣ таъмин намудани он деҳқонон ҳосили фаровон ба даст оварданд.
Тибқи иттилои масъулини шуъбаи кишоварзии ноҳияи Лахш, кишоварзони ноҳия то якуми ноябри соли равон дар ҳама шаклҳои хоҷагидорӣ 75 ҳазору 120 тонна картошка, 2584 тонна сабзавот, 2163 тонна зироати ғалладонагӣ, 6587 тонна меваи гуногун, 38 ҳазору 716 тонна хӯроки чорво ва 178,7 тонна асал истеҳсол намуданд.
Солҳои охир бо дастгирии Мақомоти иҷроияи ҳокимияти давлатии ноҳияи Лахш ва шарикони рушд барои кишоварзони ноҳия беҳтарин шароит муҳайё гардидааст. Аз ҷумла, ба ҳама ҷамоатҳои деҳоти ноҳия техникаҳои хурду калони кишоварзӣ барои кишти картошка ва ҷамъоварию озуқадиҳии он ворид карда шудаанд.
Мақомоти иҷроияи ҳокимияти давлатии ноҳия соли равон ҳама каналҳои ҳудуди ноҳияро сари вақт бо техникаҳои азим аз сангу гил тоза карда, сарбандҳои ин каналҳоро таҳти назорати доимӣ қарор дод. Ин буд, ки картошкапарварон сари вақт бо оби полезӣ таъмин гардида, дар натиҷаи обёриву ғизодиҳии дуруст ҳосили фаровон ба даст оварданд.
Сокинони ноҳияи Лахш, ки асосан ба истеҳсолу парвариши картошка машғул мебошанд, ҳамасола бозорҳои ҷумҳуриро бо картошкаи хушсифат таъмин менамоянд.
Муайян гардид, ки то 22 ноябри соли 2024 аз ҳудуди ҷамоатҳои деҳоти ноҳияи Лахш ба шаҳру навоҳии Душанбе, Ваҳдат, Ҳисор,Турсунзода, Рашт ва вилояти Хатлон 45 ҳазору 908 тонна картошка содирот шудааст. Соҳибкорони ватанӣ ҳамарӯза аз кишоварзони ноҳияи Лахш картошка дастрас менамоянд.
АКС: Мақомоти иҷроияи ҳокимияти давлатии ноҳияи Лахш
Дар Душанбе савдои фаромарзии бекоғаз ва экосистемаи рақамии тиҷорати электронӣ баррасӣ гардид
Ҷаласаи нахустини гурӯҳи кории Тоҷикистону Русия оид ба ҳамкорӣ дар соҳаи рақамикунонӣ ва технологияҳои иттилоотӣ баргузор гардид
Иқтисодчиён дар ҳалли масъалаҳои рушди иқтисодӣ ва иҷтимоии Тоҷикистон нақши барҷаста доранд
Дурнамои ҳамкории иқтисодии Тоҷикистон бо Хазинаи байналмилалии асъор баррасӣ гардид
Дар Вазорати рушди иқтисод ва савдо ба муносибати Рӯзи иқтисодчиён ҳамоиши тантанавӣ доир гардид
Тоҷикистон ва Иттиҳоди Аврупо дар самти рақамикунонии иқтисод ва идоракунии давлатӣ ҳамкориро тақвият медиҳанд
Тоҷикистон ва Иттиҳоди Аврупо ҳамкориро дар соҳаи ҳифзи муҳити зист тақвият мебахшанд
ИМРӮЗ — РӮЗИ ИҚТИСОДЧИЁН. То соли 2030 ҳаҷми маҷмӯи маҳсулоти дохилӣ 1,8 маротиба афзоиш дода мешавад
Дар шаҳру ноҳияҳои Хатлон корҳои безараргардонӣ бар зидди малах идома доранд
Ба кормандони Хадамоти гумруки Тоҷикистон тақвияти чораҳои зиддикоррупсионӣ тавзеҳ дода шуд
Дар Тоҷикистон дар беш аз 23 ҳазор гектар пунбадона кишт намудаанд
«ДОЛОНИ САБЗ». Роҳи «Данғара-Гулистон» дар доираи ин барнома навсозӣ карда мешавад
