Кормандони Раёсати Вазорати корҳои дохилӣ дар шаҳри Душанбе бехатарии ҳаракат дар роҳро таъмин менамоянд

ДУШАНБЕ, 16.12.2024. /АМИТ «Ховар»/. Кормандони Раёсати Вазорати корҳои дохилӣ дар шаҳри Душанбе дар якҷоягӣ бо кормандони Раёсати истифодабарии роҳҳои  шаҳри Душанбе бо ҷалби техникаҳои махсуси коммуналӣ роҳҳои мошингарди ҳудуди шаҳри Душанберо аз барф тоза карда, бехатарии ҳаракат дар роҳро таъмин менамоянд. Дар ин хусус АМИТ «Ховар» бо истинод ба ин раёсат хабар медиҳад.

Кормандони милитсияи пойтахт аз шаҳрвандон хоҳиш менамоянд, ки воситаҳои нақлиёти худро дар канори роҳҳои мошингард нагузоранд, зеро бо ин амалашон боиси танбашавӣ ва монеи фаъолияти кормандони коммуналӣ мегарданд.

Натиҷаи масъулиятшиносии  кормандони Раёсати истифодабарии роҳҳои шаҳри Душанбе, махсусан роҳрӯбон ва кормандони милитсия  буд, ки ин субҳ  тамоми роҳҳои мошингард ва пиёдагарди  пойтахт  аз барф тоза карда шуда,  бехатарии ҳаракат дар роҳ барои ронандагону пиёдагардон таъмин гардид.

Ҳамчунин бо мақсади ҳифзи  шохаи дарахтон аз  шикастан онҳо аз барф тоза карда шуданд.

АКС: АМИТ «Ховар»