Маҳмадтоир Зокирзода дар Москва аз ташаббуси ҷаҳонии Президенти Тоҷикистон оид ба Даҳсолаи таҳкими сулҳ ба хотири наслҳои оянда ёдовар шуд
ДУШАНБЕ, 10.12.2024. /АМИТ «Ховар»/. Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода дар кори ҷаласаи муштараки Шурои Ассамблеяи парлумонии Созмони аҳдномаи амнияти дастҷамъӣ ва ҷаласаи пленарии ҳабдаҳуми Ассамблеяи мазкур, ки таҳти раёсати Раиси Думаи давлатии Федератсияи Русия Вячеслав Володин баргузор гардид, иштирок намуд. Дар ин хусус ба АМИТ «Ховар» котиби матбуоти Маҷлиси намояндагон иттилоъ дод.
Иштирокчиёни ҷаласа масъалаҳои ҳамоҳангсозии қонунгузории давлатҳои аъзои Созмони Аҳдномаи амнияти дастҷамъӣ дар соҳаи технологияҳои иттилоотӣ ва муқовимат ба чолишҳою таҳдидҳои амниятиро баррасӣ намуданд.
Иштирокчиёни ҷаласа ҳамчунин лоиҳаи Муроҷиатномаи Ассамблеяи парлумонии Созмони Аҳдномаи амнияти дастҷамъӣ ба вакилони парлумони ҷаҳон дар робита ба 80-солагии Ғалабаро қабул намуданд.
Маҳмадтоир Зокирзода иброз намуд, ки ҷаласа дар шароити бисёр душвор ва осебпазири рушди муосири ҷаҳонӣ ва минтақавӣ баргузор мешавад. Имрӯз аз ҳарвақта бештар барои таъмини амният ва рушди устувор муттаҳидсозии талошҳои муштарак дар сатҳи ҷаҳонӣ ва минтақавӣ зарур аст.
«Пешниҳоди Президенти Ҷумҳурии Тоҷикистон муҳтарам Эмомалӣ Раҳмон дар иҷлосияи 79-уми Маҷмаи Умумии Созмони Милали Муттаҳид оид ба қабули қатъномаи махсуси Созмон «Даҳсолаи таҳкими сулҳ ба хотири наслҳои оянда» ҳамин ҳадафҳоро дар назар дорад», — таъкид намуд Раиси Маҷлиси намояндагон.
Дар фарҷом аз таваҷҷуҳ ва ғамхории Ҳукумати Тоҷикистон нисбат ба собиқадорони Ҷанги дуюми ҷаҳонӣ ва оилаи онҳо гуфта шуд.
АКС: Маҷлиси намояндагони Маҷлиси Олии Ҷумҳурии Тоҷикистон
Ҷаласаи маҷозии Муколамаи занон – роҳбарони Осиёи Марказӣ доир шуд
Файзалӣ Идизода дар ҷаласаи Шурои Ассамблеяи парламентии СААД дар шаҳри Москва иштирок намуд
Барно Саидвализода дар ҷаласаи Комиссияи доимии Ассамблеяи байнипарлумонии давлатҳои иштирокдори ИДМ оид ба илм ва маориф иштирок намуд
Файзалӣ Идизода дар музокироти умумии Ассамблеяи 152-юми Иттиҳоди байнипарламентӣ дар шаҳри Истанбул иштирок намуд
Вакили Маҷлиси намояндагон дар ҷаласаи ҳамоҳангсози Ассамблеяи парламентии Осиё иштирок намуд
Раиси Маҷлиси намояндагони Тоҷикистон бо Раиси Жогорку Кенеши Қирғизистон вохӯрӣ намуд
Ҳайати Тоҷикистон дар ҷаласаи 152-юми Иттиҳоди байнипарламентӣ ва иҷлосияи ҳамоҳангсози Ассамблеяи парламентии Осиё иштирок менамояд
Ҷаласаи навбатии иҷлосияи дуюми Маҷлиси намояндагони Маҷлиси Олӣ, даъвати ҳафтум баргузор гардид
ДУШАНБЕ — НИГИНИ КИШВАРИ ОФТОБИИ ТОҶИКОН. Ба Рӯзи пойтахти Тоҷикистон бахшида мешавад
Вакилони парлумонҳои кишварҳои аъзои ИДМ тарҳи таҳрири нави қонуни намунавии «Дар бораи мақоми ваколатдори ҳуқуқи инсон»-ро тасдиқ намуданд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Дар Душанбе масъалаҳои таълиму тарбия, сифати таҳсил ва гузариш ба низоми 12-солаи таълим баррасӣ гардиданд
