ОБОДОНӢ ДАР ДЕҲОТ. Роҳи деҳаи Сари Чашмаи ноҳияи Файзобод мумфарш карда шуд
ФАЙЗОБОД, 24.12.2024 /АМИТ «Ховар»/. Бо дастгирии Мақомоти иҷроияи ҳокимияти давлатии ноҳияи Файзобод ва шахсони саховатпешаю сокинони маҳал як километр роҳи деҳаи Сари Чашмаи Ҷамоати деҳоти Ҷавонони ноҳия бо маблағи 600 ҳазор сомонӣ мумфарш карда шуд. Дар ин хусус хабарнигори АМИТ «Ховар» Субҳониддини Маҳмуд иттилоъ медиҳад.
Ин роҳ дар асоси нақшаи чорабиниҳо бахшида ба 35-солагии Истиқлоли давлатӣ мумфарш гардид.
Ҳарчанд ки солҳои пеш бо қарори раиси ноҳия ин деҳа, ки дар он мақбараи Ҳотами Асам ҷойгир мебошад, хатсайри сайёҳӣ эълон шуда буд, вале роҳи он обод набуд. Ҳамарӯза садҳо нафар меҳмонону сокинон ба зиёрати ин шахсияти таърихӣ меоянд. Инак роҳи деҳаи Сари Чашма ба талаботи роҳдорӣ мутобиқ гардонида шуд.
Сардори Муассисаи давлатии нигоҳдории роҳҳои автомобилгарди ноҳияи Файзобод Зиёратшо Акрамзода иброз дошт, ки дар тавозуни Муассисаи давлатии нигоҳдории роҳҳои автомобилгарди ноҳия ҳамагӣ 286 км роҳҳои автомобилгард мавҷуд мебошанд, ки аз ин 48 км роҳҳои дорои аҳамияти байналмилалӣ, 1,7 км роҳҳои автомобилгарди дорои аҳамияти ҷумҳуриявӣ ва 136 км роҳҳои автомобилгарди маҳаллиро ташкил медиҳанд.
Имсол ба ифтихори 35-солагии Истиқлоли давлатӣ ва бо дастгирии Мақомоти иҷроияи ҳокимияти давлатии ноҳияи Файзобод ва Вазорати нақлиёти Ҷумҳурии Тоҷикистон дар ҳамкорӣ бо соҳибкорон, фаъолону аҳолӣ зиёда аз 16 000 км роҳҳои байни деҳаҳои ҷамоатҳои деҳот мумфарш карда шуданд, ки ин амали хайр солҳои оянда низ идома меёбад.
АКС: АМИТ «Ховар»
ПИРЯХҲО ВА ОЯНДАИ САЙЁРА. Душанбе ба маркази муколамаи ҷаҳонӣ оид ба ҳифзи пиряхҳо табдил меёбад
Дар қаламрави Тоҷикистон заминларза ба амал омад
Имрӯз дар Тоҷикистон чангу ғубор ба амал меояд
ТАҚВИМИ АМИТ «ХОВАР»: имрӯз 8 май, панҷшанбе, 128-умин рӯзи соли 2025 аст
Бахшида ба Рӯзи телевизион, радио ва кормандони соҳаи алоқа ҳамоиши ҷашнӣ баргузор гардид
Имрӯз дар ноҳияҳои кӯҳии Тоҷикистон ҳаво то 32 дараҷа гарм мешавад
Вобаста ба таҳияи омори расмии раванди мутобиқшавӣ ба тағйирёбии иқлим ҳамоиш доир шуд
Дар доираи Солҳои рушди иқтисоди рақамӣ ва инноватсия таҷҳизоти нигоҳдорӣ ва истифодаи китобҳо беҳтар мегардад
Барои дарёфти «Ҷоми ректори Донишгоҳи технологии Тоҷикистон» мусобиқаи варзишӣ эълон карда шуд
ИСТИФОДАИ САМАРАНОКИ ЗАМИН. Таваҷҷуҳи сокинон ба парвариши маҳсулот дар гармхона бештар гардидааст
Моҳи май дар Душанбе Форуми ХVIII зиёиёни эҷодкор ва олимон баргузор мешавад
Дар Истаравшан вобаста ба истифодаи оқилонаи неруи барқ ҳамоиш баргузор гардид
