Партитураи Суруди Созмони ҳамкории Шанхай ба Котиботи СҲШ дар Пекин тақдим гардид
ДУШАНБЕ, 12.12.2024 /АМИТ «Ховар»/. 10 декабр партитураи* Суруди Созмони ҳамкории Шанхай ба Котиботи Созмони ҳамкории Шанхай дар шаҳри Пекин тақдим гардид, хабар медиҳад АМИТ «Ховар» бо истинод ба Вазорати корҳои хориҷии Ҷумҳурии Тоҷикистон.
Пешниҳод оид ба қабули Суруди Созмони ҳамкории Шанхай аз ҷониби Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон садо додааст. Суруд бо Қарори Шурои сарони давлатҳо таъсис ёфта, нахуст 17 сентябри соли 2021 зимни Саммити ҷашнии 20-солагии Созмони ҳамкории Шанхай дар Душанбе садо дод. Муаллифи суруд Ҳунарпешаи мардумии Тоҷикистон, Раиси Иттифоқи композиторони Тоҷикистон Амирбек Мусозода мебошад.
Дар ҳошияи маросим мулоқот бо Дабири кулли Созмони ҳамкории Шанхай Чжан Мин доир гардид, ки дар он ба китобхонаи Котибот китобҳои «Тоҷикон»-и Бобоҷон Ғафуров, «Дипломатияи оби Эмомалӣ Раҳмон: аз қадамҳои аввал то шарокати глобалӣ»-и Сироҷиддин Муҳриддин ва «Ҷаҳони гулдӯзии тоҷикӣ» тақдим шуданд.
АКС: Вазорати корҳои хориҷии Ҷумҳурии Тоҷикистон
______________
* Партитура (аз калимаи итолиёии partitura)- ин навиштаи мусиқӣ аст, ки тамоми овозҳо ё асбобҳои як асари мусиқиро дар якҷоягӣ нишон медиҳад. Он барои роҳнамоии дирижёр ё роҳбарони ансамблҳои мусиқӣ истифода мешавад. Ҳар сатри партитура ба овоз ё асбоби муайян тааллуқ дорад ва ҳамаи онҳо ҳамзамон нишон дода мешаванд, то иҷрои якҷояро осон кунанд.
Дар мусиқӣ партитура ҳамчун як намуди “худкитоби роҳнамо” барои асарҳои калони оркестрӣ, хор ё ансамблӣ истифода мешавад.
Дар Ҷопон дар мавзуи «Устувонаи Куруш: Пайванди таърихии байни гузашта ва ҳозира – назари муосири Тоҷикистон» ҳамоиш баргузор шуд
Сафири Тоҷикистон бо раиси Палатаи савдо ва саноати Риёз мулоқот намуд
Масъалаи таъсис додани Маркази зиддимухаддироти СҲШ дар шаҳри Душанбе баррасӣ гардид
Сироҷиддин Муҳриддин бо ҳамоҳангсози доимии СММ дар Тоҷикистон мулоқот намуд
Тоҷикистон ташаббускори қабули қатънома дар иҷлосияи 82-юми Комиссияи иқтисодӣ ва иҷтимоии СММ гардид
Рушди ҳамкории Тоҷикистон ва Туркманистон дар бахшҳои нафту газ баррасӣ гардид
Дар Москва имконоти сармоягузории вилояти Суғд муаррифӣ карда шуд
Сафири Тоҷикистон дар Олмон бо Президенти Ландтаги Саксония-Анҳалт мулоқот намуд
Намояндаи доимии Тоҷикистон дар Форуми минтақавӣ оид ба рушди устувори Комиссияи иқтисодии СММ барои Аврупо иштирок намуд
Сафири Тоҷикистон бо роҳбарияти Федератсияи палатаҳои тиҷоратии Арабистони Саудӣ вохӯрӣ намуд
Идибек Қаландар бо роҳбари Намояндагии Кумитаи байналмилалии Салиби Сурх дар Тоҷикистон мулоқот намуд
Шараф Шерализода дар ҷаласаи ассамблеяҳои ғайринавбатии кишварҳои аъзои Созмони умумиҷаҳонии моликияти зеҳнӣ иштирок намуд
