Вобаста ба рушди соҳаи сайёҳӣ ва ҳунарҳои мардумӣ ҷаласаи ҷумҳуриявӣ баргузор шуд

ДУШАНБЕ, 11.12.2024. /АМИТ «Ховар»/. 10 декабр дар шаҳри Бохтари вилояти Хатлон таҳти роҳбарии муовини Сарвазири Ҷумҳурии Тоҷикистон Дилрабо Мансурӣ ҷаласаи сеюми гурӯҳи кории ҷумҳуриявӣ оид ба рушди соҳаи сайёҳӣ, ҳунарҳои мардумӣ ва ташкилу назорати корҳои ободонию сабзазоркунӣ дар шаҳру ноҳияҳо ва вилоятҳо баргузор гардид. Дар ин хусус ба АМИТ «Ховар» дар Кумитаи рушди сайёҳии назди Ҳукумати Ҷумҳурии Тоҷикистон хабар доданд.

Дар ҷаласа Раиси Кумитаи рушди сайёҳии назди Ҳукумати Ҷумҳурии Тоҷикистон Камолиддин Муминзод вобаста ба раванди иҷрои протоколи ҷаласа дар самти рушди сайёҳӣ, ҳунарҳои мардумӣ, косибӣ, касбу ҳунаромӯзӣ, истифодаи самараноки заминҳои президентӣ ва наздиҳавлигӣ, ташкилу назорати корҳои ободонию сабзазоркунӣ, тозаю озода нигоҳ доштани маҳалҳои аҳолинишин, ҳифзи табиат, ташкили гӯшаҳои ҳунармандӣ дар вилоятҳо ва шаҳру ноҳияҳои ҷумҳурӣ маълумот дод.

Барои бартараф намудани камбудӣ ва мушкилоти ҷойдошта, татбиқи босамари ҳадафҳои Ҳукумати ҷумҳурӣ оид рушди устувори соҳаи сайёҳии мамлакат аз ҷониби роҳбари гурӯҳи кории ҷумҳуриявӣ- муовини Сарвазири Ҷумҳурии Тоҷикистон Дилрабо Мансурӣ дар назди масъулин вазифаҳои мушаххас гузошта шуд.

АКС: Кумитаи рушди сайёҳии назди Ҳукумати Ҷумҳурии Тоҷикистон