22 январ дар Тоҷикистон борону барф меборад
ДУШАНБЕ, 21.01.2025. /АМИТ «Ховар»/. 22 январ дар ҷумҳурӣ ҳаво тағйир ёфта, бориши борон ва барф дар назар аст. Инчунин фаромадани туман ва дар роҳҳои кӯҳӣ яхбандӣ пешгӯӣ мешавад. Дар ин хусус ба АМИТ «Ховар» дар Агентии обуҳавошиносии мамлакат иттилоъ доданд.
Дар водиҳо бориши борон, барф ва дар ноҳияҳои кӯҳӣ ва баландкӯҳ асосан бориши барф дар назар аст. Дар баъзе ноҳияҳо фаромадани туман пешгӯӣ шуда, дурии биниш то 500 метрро ташкил медиҳад.
Дар шоҳроҳҳои мошингарди кӯҳӣ пайдоиши қабати барф ва яхбандӣ дар назар аст. 21-23 январ дар минтақаҳои кӯҳию доманакӯҳи ноҳияҳои тобеи ҷумҳурӣ, вилояти Суғд ва ғарби Вилояти Мухтори Кӯҳистони Бадахшон фаромадани тарма эҳтимол дорад.
Дар робита ба тағйир ёфтани вазъи ҳаво Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон иттилоъ медиҳад, ки аз 21 то 23 январ дар Вилояти Мухтори Кӯҳистони Бадахшон, қаторкӯҳи Ҳисор ва роҳҳои Душанбе-Чанок, Душанбе-Хоруғ, Душанбе-Лахш, Хоруғ-Мурғоб ва Хоруғ-Ишкошим фаромадани тарма ва сангрезӣ дар назар аст.
Барои таъмини амнияти ҳаракат дар шоҳроҳи Душанбе-Чанок постгоҳҳои сайёр ташкил карда шудаанд, ки дар онҳо наҷотдиҳандагони Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, кормандони Вазорати корҳои дохилӣ ва хадамоти роҳсозии IRS ба таври шабонарӯзӣ навбатдорӣ мекунанд.
Кумита аз шаҳрвандон ва меҳмонон даъват мекунад, ки аз сафар ба роҳҳои хатарнок, ҷамъоварии ҳезум, шикор, моҳидорӣ ва рафтан ба минтақаҳои дорои хатари тармафароӣ худдорӣ намоянд.
АКС: АМИТ «Ховар»
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
